اتىراۋدا 1000 وتباسىنا ءدارى- دارمەك پەن ازىق- تۇلىك جيىنتىعى تاراتىلدى
وڭىرلىك كوممۋنيكاتسيالار قىزمەتىنىڭ مالىمەتىنشە، «حالىق» قايىرىمدىلىق قورى اتىراۋ وبلىسىنىڭ تۇرمىسى تومەن جانە كوپبالالى 1000 وتباسىنا ءدارى- دارمەك پەن ازىق- تۇلىك جيىنتىعىن جىبەرگەن.
«اتىراۋ وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى ماتەريالدىق جاعدايى تومەن جانە ءدارى- دارمەكتەردى قاجەت ەتەتىن وتباسىلاردىڭ ءتىزىمىن 6 كاتەگوريا بويىنشا ۇسىندى. قايىرىمدىلىق قورىنان كەلگەن 1000 جيىنتىق قالا مەن اۋداندارداعى وتباسىلارعا تاراتىلىپ جاتىر» دەپ حابارلادى وڭىرلىك كوممۋنيكاتسيالار قىزمەتى.
جالپى سالماعى 60 كەلىدەن اساتىن ءار جيىنتىقتا كوروناۆيرۋس ينفەكتسياسىنان ەمدەۋ حاتتاماسىنا ەنگىزىلگەن نەگىزگى دارىلىك پرەپاراتتار، ازىق- تۇلىك، ىدىس جۋۋعا ارنالعان سۇيىقتار، سونداي- اق، انتيسەپتيكالىق قۇرالدار جانە مەديتسينالىق ماسكا بار. ەسكە سالا كەتەلىك، بۇعان دەيىن اتىراۋعا ءدارى- دارمەكتىڭ ءىرى پارتياسى تيەلگەن جۇك كولىگى كەلگەن ەدى.
