قوستاناي وبلىسىندا 1000 دومبىراشى ءبىر مەزەتتە كۇي وينادى
امانگەلد اۋدانىندا ۇلتتىق دومبىرا كۇنى مەن ەلوردا مەرەكەسى قارساڭىندا ءتۇرلى رۋحاني، بۇقارالىق ءىىس-شارالار ءوتتى.
اۋداندىق ىشكى ساياسات ءبولىمىنىڭ باسشىسى نۇرلىبەك ءتاجيننىڭ سوزىنە قاراعاندا، مەرەكەگە دايىندىق جۇمىستارى بىلتىردان باستالعان.
«اۋدانداعى ب. قولداسبايەۆ اتىنداعى جالپى ءبىلىم بەرەتىن مەكتەپتە كاسىپكەر سەرىك قانافيننىڭ دەمەۋشىلىگىمەن شاعىن فۋتبول الاڭى اشىلدى. بۇدان سوڭ جاستارعا ارنالعان شاعىن 8 پاتەرلىك ءۇي پايدالانۋعا بەرىلدى. جاستار جىلىنا وراي «جاستار ساياباعى» اشىلدى. ق. ابەنوۆ اتىنداعى مادەنيەت ۇيىندە دارىندى ءبىر تاۋار مۋزىكانت توكەن ەلتەبايەۆتى ەسكە تۇسىرۋگە ارنالعان عىلىمي كونفەرەنسيا، ەسكەرتكىشتىڭ اشىلۋى جانە «ۇرپاق ساباقتاستىعى» اتتى ۇلت-اسپاپتار ءانسامبلىنىڭ بايقاۋى وتكىزىلدى»، - دەپ اقپارات بەردى ءبولىم باسشىسى.
ۇلتتىق دومبىرا كۇنىنىڭ باستى جاڭالىعى - اۋداندا تۇڭعىش رەت 1000 دومبىراشىنىڭ قاتىسۋىمەن كۇي وينالدى.
بۇل باستامانى اۋدان اكىمى ءامىرحان اسانوۆ كوتەرگەن. دومبىراشىلار ءبىر مەزەتتە قۇرمانعازىنىڭ «بالبىراۋىن» جانە «كەلىنشەك» كۇيلەرىن ورىندادى.
دومبىراشىلار اۋداننىڭ ءار اۋىلىنان كەلگەن. اۋدانداعى مەرەكە ەسترادا جۇلدىزدارىنىڭ قاتىسۋىمەن وتكەن كونسەرتتىك باعدارلامامەن تۇيىندەلدى.
