اۋماعى فۋتبول الاڭىنداي ارالداعى 1000 ادام قالاي ءومىر ءسۇرىپ جاتىر - فوتو
ول كولۋمبيانىڭ قۇرامىنا جاتاتىنى بولماسا، ارال الەمنەن ءبولىنىپ قالعانداي.
وندا 97 ءۇي، 18 وتباسى بار. 1000 عا جۋىق ادام فۋتبول الاڭىنان ايىرماشىلىعى جوق جەرىن باپتاپ وتىر. ارالدا مەكتەپ جانە مەيرامحانا بار. ال حالىق بالىق اۋلاۋ مەن تۋريزم ارقىلى كۇن كورىپ وتىر.
ارالداعىلاردىڭ رۋحى بيىك. كومەككە مۇقتاج وتباسىعا ءاردايىم كورشىسى كومەك قولىن سوزادى. مۇندا اقشانىڭ ورنىندا تازالاۋ، تاماق ءپىسىرۋ، بالالار مەن قارتتاردى باعۋ قىزمەتتەرى كورسەتىلەدى.
حالىقتىڭ جارتىسىنان كوبى - جاستار. كوشەدە ادامدار اشىق ءتۇستى كيىمدەر كيىپ، ۇيلەرىن ءار ءتۇرلى ءتۇستى بوياۋمەن ارلەپ، ءتۇرلى كەشتەر ۇيىمداستىرىپ كوڭىلدى ءومىر سۇرەدى.
بالالارعا ءجۇزۋ مەن بالىق اۋلاۋ كىشكەنتاي كەزىنەن باستاپ ۇيرەتىلەدى. ولار كۇنى بويى جاعالاۋدا بالىق اۋلاپ، قايىققا ءمىنىپ ۋاقىتتارىن وتكىزەدى. ارالدا زورلىق-زومبىلىق اتىمەن بولماعان. وندا ەشقاشان قارۋلى قاقتىعىستار بولىپ كورمەگەن، ادامدار قىلمىس تۋرالى ويلارىنا دا المايدى.
بالالار دالادا وينايدى، جاسوسپىرىمدەر ءبىر-بىرىنە تاتۋاج سالىپ، يسپان تىلىندە رەپ تىڭدايدى. ال ەرەسەكتەر كولەڭكەدە دەمالىپ، ءار ءتۇرلى تاقىرىپتا اڭگىمە ايتىپ، تاماق ازىرلەيدى. ارالدا ينتەرنەت پايدا بولعالى بەرى جاستار الەمدى تانىپ، ويلانا باستادى. كەيبىرى ۇيىنەن كەتىپ، ارال سىرتىنداعى ناعىز ءومىردى كورگىسى كەلەدى.
ليۋسەرو - ارالدىڭ باستى شاش ارلەۋشىسى. ونىڭ ەرەكشە يدەيالارى وتە تانىمالدىلىققا يە بولادى. ول جاسوسپىرىمدەرگە وزدەرىن تانىتۋعا مۇمكىندىكتەر جاسايدى. ارالدىڭ جاستارى وتە كرەاتيۆتى - بارلىعى شاش ۇلگىلەرىن وزگەرتىپ، شاشتارىن بويايدى.
ارالدا شەشىلمەي تۇرعان ماسەلەلەر جەتىپ ارتىلادى. ولار: اۋىز سۋدىڭ شەكتەۋلى مولشەرى، كاناليزاتسيانىڭ بولماۋى، قالدىقتاردى ساقتايتىن جەردىڭ بولماۋى، ارالدىڭ لاستانۋى.
قيىندىقتارعا قاراماستان، ارالداعى ءومىر ادەتتەگىدەي جالعاسۋدا. ەلدىڭ كوممۋنالدىق قىزمەتتەرى لاستانۋ ماسەلەسىن شەشۋگە ارنالعان جوسپار ازىرلەپ جاتىر.
جەرگىلىكتى تۇرعىندار، قاراپايىم ءومىر سالتىنا قاراماستان، وزدەرىن كەدەي دەپ سانامايدى. ويتكەنى ولار ەشكىمگە قارىز ەمەس، شىعىنعا باتپاعان.
