عالىمدار: ادامزات بولاشاقتا 1000 جىل ءومىر سۇرەتىن بولادى
ول بۇل مالىمدەمەسىن تاۋدا لوندون قالاسىندا وتكەن Virtual Futures القالى جيىنىندا جاسادى، دەپ جازادى islam.kz.
SENS زەرتتەۋ قورىنىڭ قۇرىلتايشىلارىنىڭ ءبىرى دە الداعى 20 جىل ىشىندە عىلىم ادام اعزاسىنداعى جاسىنا قاراي قارتايۋ پروتسەسىن جويۋعا باعىتتالعان تەراپيانى جەتىلدىرۋ ءتاسىلىن تاباتىنىنا سەنىمدى. «قارتتىق - الەمدە كۇن سايىن 110000 ادامدى باۋداي تۇسىرەتىن كەسەل»، - دەپ مالىمدەدى عالىم.
گەرونتولوگتىڭ سوزىنە قاراعاندا، قارتايۋدى تەجەۋگە بولادى. عىلىم مەن تەحنولوگيانىڭ ارقاسىندا. ول ءۇشىن، عالىمنىڭ ايتۋىنشا، الەمدەگى بارلىق ەلدىڭ ليدەرلەرى ءوزى كوتەرگەن باستاماعا ءبىراۋىزدان قولداۋ كورسەتۋى ءتيىس. سول كەزدە عانا بيولوگيالىق قارتايۋدى تەجەپ، ءولىمدى جەڭبەسە دە، قارتتىقتى جەڭۋگە قادام جاساي الادى.
عالىم وسىلاي دەي كەلە ەڭ نەگىزگى جەتى پروبلەمانى زەردەلەۋ ارقىلى قارتتىقپەن كۇرەسەتىن حالىقارالىق ەمحانا جەلىسىن قۇرۋدى ۇسىندى. عالىم مەڭزەگەن جەتى پروبلەمالارعا مىنالاردى جاتقىزعان: تىندەردىڭ اتروفياسى، وبىر جاسۋشاسى، ميتوحوندريالدى مۋتاتسيا، جاسۋشادان تىس ماتريكستىڭ كۇشەيۋى، جاسۋشادان تىس جيناقتالىپ قالۋ، جاسۋشا ىشىندەگى جيناقتالىپ قالۋ، جاسۋشا ءولىمىنىڭ مەحانيزمى.
P. S. بۇل مۇيكىن ەمەس دەرسىز، عالىمنىڭ قيالىنان تۋعان ساندىراققا بالايتىنداردىڭ بۇل گيپوتەزانىڭ تەوريالىق جاعىنان مۇمكىن ەكەنىن مويىندايدى. نۇھ پايعامباردىڭ زامانىن ەسكە تۇسىرسەڭىز بولادى. بۇرىنعىنىڭ ادامدارى، راسىندا، ۇزاق جاساعان. نەگە تەك تەوريا جۇزىندە عانا مۇمكىن ەكەنىن ايتا كەتەيىك.
بىرىنشىدەن، ادامنىڭ قورشاعان ورتاعا بەيىمدەلۋى، ياعني، تابيعاتقا تىكەلەي تاۋەلدىلىگى باياۋلاپ كەلەدى. ەسكەرىڭىز، بۇل ادامنىڭ ۇزاق ءومىر ءسۇرۋىنىڭ ەڭ باستى كەپىلى. ەكىنشىدەن، يندۋستريالىق، پوستيندۋستريالىق قوعامدا وسىنا ۇزاق جاساۋ اقىلعا سىيمايدى. عالىم تىزگەن جەتى فاكتورعا ادامنىڭ ءومىر ءسۇرۋ مادەنيەتىن وزگەرتۋدى دە جاتقىزار ەدىك. سىزدەر قالاي ويلايسىزدار، قۇرمەتتى وقىرمان.
