قاراعاندى وبلىسىندا 1000 مۇعالىم جەتىسپەيدى
قاراعاندى وبلىسىنىڭ جاستار ساياساتى ماسەلەلەرى جونىندەگى باسقارما باسشىسى ميراس قۇتتىباي وبلىسىمىزدىڭ جاستارى ءۇشىن ماڭىزدى ماسەلەلەردى اتاپ ايتتى.
«ەڭ ماڭىزدى ماسەلە - ول اۋىل جاستارىن جۇمىسپەن قامتۋ. جانە دە جاستاردىڭ بوس ۋاقىتىن ۇيىمداستىرۋ، جاس وتباسىلارعا كومەك كورسەتۋ جانە جاستار اراسىنداعى قىلمىستاردىڭ الدىن الۋ»، - دەدى م. قۇتتىباي.
ونىڭ سوزىنشە، جاستاردى جۇمىسپەن قامتۋ - بۇگىنگى ەڭ ماڭىزدى ماسەلە. 2009-2016-جىلدار ارالىعىندا قاراعاندى وبلىسىندا «ديپلوممەن اۋىلعا» باعدارلاماسى اياسىندا 2215 جاس مامان جۇمىسقا ورنالاستىرىلعان. بيىلعى جىلى بارلىعى 78 ادام. ەرلان قوشانوۆ مۇنىڭ از ەكەنىن ايتتى.
«مەن اۋدادارعا ءجيى بارامىن، وندا ۇنەمى كادرلاردىڭ جەتىسپەۋى ايتىلادى، - دەدى وبلىس اكىمى. - نەگە جاستاردى جۇمىسپەن قامتىماسقا؟ بۇل ماسەلەنى شەشۋ كەرەك. جاقىندا ءبىلىم سالاسىندا جاڭا زاڭعا قول قويىلدى، وعان ساي ەندى اكىمدەر جاس مامانداردى وقىتۋ ءۇشىن ءوز گرانتتارىن بولە الادى. بيىل بيۋدجەت بەكىتىلدى، ال كەلەسى جىلدان باستاپ ستۋدەنتتەر بۇل گرانتتاردى الا الادى. سونان سوڭ، ديپلوم العان سوڭ ءوز اۋىلىندا جۇمىس جاساۋعا مىندەتتەلەدى. بۇگىنگى تاڭدا قاراعاندى وبلىسىندا 1000 مۇعالىم جەتىسپەيدى. «وبلىس بيۋدجەتىنەن بولىنەتىن سوما، شامامەن 300 ءبىلىم گرانتىن جاباتىن بولادى. بۇلار فيزيكا، حيميا، بيولوگيا جانە باسقا دا پاندەردىڭ مۇعالىمى»، - دەدى ءبىلىم باسقارماسىنىڭ جەتەكشىسى اسحات ايماعامبەتوۆ - بۇل باعدارلاماعا قاتىسۋشىلار وقۋ بىتىرگەن سوڭ ءوز اۋىلدارىندا جۇمىس ىستەۋلەرى ءتيىس. جاس مامانداردا تۇرعىن- ءۇي ماسەلەسى تۋىنداماس ءۇشىن، ولار ءوز اۋىلدارىنا جىبەرىلەدى. بۇگىندە قاراعاندى وبلىسىندا 29 جاسقا دەيىنگى 304 269 ادام تۇرادى. ولاردىڭ 75536 اۋىل جاستارى.
