تۇركى تىلدەس مەملەكەتتەر ءجۇسىپ بالاساعۇننىڭ 1000 جىلدىق مەرەيتويىن اتاپ وتەدى

بۇل تۋرالى بۇگىن تۇركى تىلدەس مەملەكەتتەر پارلامەنتتىك اسسامبلەيالارىنىڭ VI پلەنارلىق وتىرىسىندا تۇركسوي باس حاتشىسى دۇيسەن قاسەيىنوۆ مالىمدەدى.

«2016 -جىلى ءبىز ءجۇسىپ بالاساعۇننىڭ مىڭ جىلدىعىن اتاپ وتپەكپىز. ونداعى شارالارعا تۇركى تىلدەس مەملەكەتتەر اۋماعىندا قۇرىلعان حالىقارالىق ۇيىمداردىڭ بارلىعى بەلسەندى تۇردە قاتىساتىن بولادى. ارينە، سونىڭ ىشىندە تۇركى تىلدەس مەملەكەتتەرى پارلامەنتشىلەرىنىڭ ءوزارا قارىم- قاتىناسىنىڭ جوعارى دەڭگەيى بۇعان ءوز سەپتىگىن تيگىزبەك»، - دەپ اتاپ ءوتتى باس حاتشى.

ايتا كەتەرلىگى، تۇركسوي تۇراقتى كەڭەسىنىڭ XXXIII وتىرىسىندا ازەربايجاننىڭ كونە شەكي قالاسى 2016 -جىلعى تۇركى الەمىنىڭ مادەني استاناسى رەتىندە تاڭدالعان. سونىمەن قاتار، 2016 -جىل الەمگە «قۇتتى بىلىك» داستانىن تارتۋ ەتكەن ۇلى فيلوسوف، اقىن، ەنسيكلوپەديستىڭ 1000 جىلدىعىنا وراي ءجۇسىپ بالاساعۇن جىلى دەپ جاريالانعان بولاتىن.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى