قازاقستاندا 1000 نان استام زياندى سايت جابىلدى
«ءبىز، نەگىزىنەن، بىردەن ارەكەت ەتەمىز، قازىر مەن بالالارىمىزعا زيان كەلتىرەتىن پورنوگرافيالىق سايتتار جانە تەرروريزممەن بايلانىستى سايتتار بويىنشا ايتا الامىن. ولاردىڭ سانى وتە كوپ، مىڭنان اسادى. قازىر 1000 نان استام سايت جابىلدى، ولاردىڭ دەنى پورنوگرافيامەن بايلانىستى»، - دەدى سارسەنوۆ. ەسكە سالا كەتەيىك، بۇعان دەيىن ەلىمىزدە 500 گە جۋىق پورنوسايتقا تىيىم سالىنعانى حابارلانعان بولاتىن.
كوميتەت ءتوراعاسى ۇلتارالىق ارازدىقتى قوزدىرۋ بەلگىلەرىنە قاتىستى ساراپتاما ناتيجەسىنە دەيىن جابىلعان Meduza.io رەسۋرسى تۋرالى سۇراققا جاۋاپ بەردى. «سوتتىڭ شەشىمى بويىنشا وكىلەتتى ورگاندار تاراپىنان رەاكسيا بولدى، سودان كەيىن سوتقا ءوتىنىش جاسالدى، سوت ۇيعارىم شىعاردى، ءبىز ارەكەت ەتتىك. مونيتورينگ جۇرگىزىلىپ جاتىر، ەگەر مەملەكەت مۇددەسىنە نۇقسان كەلتىرۋ جونىندە قاۋىپ بارى انىقتالسا، وكىلەتتى ورگان ارەكەت ەتىپ، سوتقا ءوتىنىش جاسايدى. ەگەر سوت شەشىم شىعارسا، وكىلەتتى ورگان ونى جابۋعا ارەكەت ەتەتىن بولادى»، - دەدى سارسەنوۆ.
