بالقاش جاعالاۋىندا جولبارىس سانىن 100 دەن 200 گە دەيىن جەتكىزۋگە بولادى
ىلە وزەنىنىڭ ساعاسىنداعى بالقاش كولىنىڭ وڭتۇستىك جاعالاۋى جانە وسىدان شىعىسقا قارايعى جەر تۇران جولبارىسى جەرسىندىرىلەتىن اۋماق رەتىندە تاڭدالىپ وتىر. بۇل ماڭدا جولبارىس مەكەن ەتۋگە جارايتىن 1 ميلليون گەكتار جەر بار. بولجام بويىنشا، اۋماقتا كاسپي جولبارىسىنىڭ سانىن 100 دەن 200 گە دەيىن جەتكىزۋگە بولادى. تۇران جولبارىستارى تاياۋ شىعىستىڭ 13 ەلىندە، كاۆكازدا، ورتالىق ازيادا تۇركيادان قىتايدىڭ سولتۇستىك- باتىسىنا دەيىنگى جەردە مەكەندەگەن. عالىمداردىڭ پىكىرىنشە، تۇران جولبارىستارىنىڭ جوعالىپ كەتۋىنىڭ نەگىزگى سەبەبى اۋلاۋدان، جولبارىستىڭ نەگىزگى قورەگى تۇياقتى جانۋارلارعا شەكتەۋسىز قىرۋ پەن يرريگاتسيالىق جوبالار اسەرىنەن مەكەن ەتۋ ورتاسىنىڭ ءبۇلىنۋى. ەكولوگيا، گەولوگيا جانە تابيعي رەسۋرستارى مينيسترلىگى بالقاش ماڭىنداعى جولبارىستارىن قالپىنا كەلتىرۋدىڭ 15 -جىلعا ارنالعان باعدارلاماسىن جاسادى. ول اڭنىڭ مەكەن ەتۋ ورتاسىن دايىنداۋ، جولبارىستى تابيعاتقا جىبەرۋ جانە باعدارلامانىڭ جۇزەگە اسۋىن باقىلاۋ شارالارىن قامتيدى.
2018 -جىلى «ىلە- بالقاش» رەزەرۆاتى قۇرىلدى. اۋماقتى براكونەرلەردەن قورعاۋ، زاڭسىز تابيعات پايدالانۋ جۇمىستارىنا جول بەرمەۋ شارالارى جۇزەگە اسىرىلۋدا. سونىمەن بىرگە بيوتەحەنيكالىق شارالار ارقىلى قابانداردى كوبەيتۋ، بۇقار بۇعىلارىنىڭ پوپۋلياتسياسىن قالپىنا كەلتىرۋ جۇمىستارى ءجۇرىپ جاتىر. وسى اتالعانداردان كەيىن ەكوجۇيە جولبارىس پوپۋلياتسياسىن ۇستاپ تۇرۋعا قابىلەتتى بولادى. رەينترودۋكتسيا ءۇشىن امۋر جولبارىستارى اكەلىنەدى. ايتا كەتەيىك، 2010 -جىلى قازاقستان حالىقارالىق جولبارىس سامميتىندە ورتالىق ازياعا تۇران جولبارىستارىن قايتارۋعا دايىن ەكەنىن مالىمدەدى. ال 2017 -جىلى قازاقستان مەن بۇكىل الەمدىك جابايى تابيعات قورى (WWF) وڭتۇستىك بالقاش ماڭى مەن ىلەنىڭ دەلتا اۋدانىندا جولبارىستىڭ رەينسترودۋكتسياسى باعدارلاماسىن جۇزەگە اسىرۋ تۋرالى مەموراندۋمعا قول قويىلدى.
