وليمپيادا چەمپيونى ە. ىبىرايىموۆ: «100 مەكتەپ، 100 اۋرۋحانا» باعدارلاماسىنداعى 100 اۋرۋحانا سالۋعا كەلىسپەيمىن

سەبەبى، قازاقستاندا تەك دەنساۋلىعى جوق ادامدار عانا تۇراتىن سياقتى.

بۇگىن سەناتتا بۇقارالىق سپورتتى دامىتۋ ماسەلەسى قارالعان ۇكىمەت ساعاتىندا «بوكستان وليمپيادالىق دايارلاۋ ورتالىعى» ر م ق ك ديرەكتورى، وليمپيادا چەمپيونى ەرماحان ىبىرايىموۆ وسىنداي ويىن جەتكىزدى، دەپ حابارلايدى BNews.kz ءتىلشىسى.

«100 مەكتەپ، 100 اۋرۋحانا» باعدارلاماسى بويىنشا قازاقستاندا ۇلكەن قۇرىلىس جۇمىستارى جۇرگىزىلدى. 100 مەكتەپ سالۋعا سپورتشى رەتىندە قارسىلىعىم جوق.

ءبىراق، 100 اۋرۋحانا دەگەنگە كەلىسپەيتىندەردىڭ ءبىرى - مەنمىن. نەگە دەسەڭىزدەر، قازاقستاندا دەنساۋلىعى جوق ادامدار عانا تۇراتىن سياقتى. «اۋىرىپ ەم ىزدەگەنشە، اۋىرمايتىن جول ىزدە» دەگەن بابالارىمىز. 100 اۋرۋحانىنىڭ ورنىنا ەلۋ اۋرۋحانا سالىنىپ، قالعان ەلۋ اۋرۋحانانىڭ ورنىنا ەلۋ سپورت كەشەنى سالىنسا»، - دەيدى اتاقتى بوكسشى.

ايتا كەتەيىك، بۇگىن سەناتتا وتكەن ۇكىمەت ساعاتىندا «قازاقستان-2050» ستراتەگياسىن جۇزەگە اسىرۋ اياسىندا دەنە شىنىقتىرۋ جانە بۇقارالىق سپورتتى زاڭنامالىق تۇرعىدا دامىتۋ مەن سالاۋاتتى ءومىر سالتىن قالىپتاستىرۋ» ماسەلەسى ءسوز بولدى.

كەنجەكەي توقتامۇرات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى