10 جىلدا 3 ناۋقاس: قازاقستاندا الاپەس دەرتى جويىلىپ بارادى
قازاقستاندا الاپەس اۋرۋىنىڭ (حانسەن اۋرۋى) تومەندەۋى بايقالادى. ناۋقاستاردىڭ اراسىندا بالالار مەن جاسوسپىرىمدەر جوق.
الاپەسپەن تەك ەگدە جاستاعى تۇرعىندار اۋىرادى، بۇل وسى ينفەكسيانىڭ جويىلىپ بارا جاتقان وشاقتارىنا ءتان.
ەلدەگى الاپەس اۋرۋىنىڭ تومەندەۋى تۇراقتى. سوڭعى جىلدارى الاپەستىڭ جەكەلەگەن جاعدايلارىن تىركەۋ جالعاسۋدا، 10 جىلدىڭ ىشىندە بارلىعى 3 جاعداي، اۋرۋدىڭ قايتالانۋىمەن - 2 ناۋقاس انىقتالدى. 2024 -جىلدىڭ باسىندا قازاقستاندا 246 ناۋقاس جانە 222 بايلانىستا بولعان ادام تۇرادى.
ءبىزدىڭ ەلدە الاپەس ءىس جۇزىندە جويىلدى. قازاقستان اۋرۋدىڭ اۋىرتپالىعى تومەن ەلدەرگە جاتادى. بۇگىنگى تاڭدا بۇكىل الەمدە اۋرۋدىڭ پروفيلاكتيكاسى ماسەلەلەرى ماڭىزدى ءرول اتقارادى. قايتالاما پروفيلاكتيكا، الاپەستىڭ سالدارىن (اسقىنۋلارىن) ەمدەۋ، اۋرۋدىڭ قايتالانۋىنىڭ الدىن الۋ باسىم مىندەت بولىپ قالا بەرەدى.
قازاقستاندا الاپەس ءجۇز جىل بۇرىن، 1929 -جىلدان باستاپ، ك س ر و حالىق كوميسسارلارى كەڭەسىنىڭ قاۋلىسىمەن قازاق ك س ر-دە لەپروزوريدى ۇيىمداستىرۋ تۋرالى شەشىم قابىلدانعان كەزدەن باستاپ ەمدەلە باستادى. بۇگىنگى تاڭدا قازاق رەسپۋبليكالىق لەپروزوريى - ەرەكشە ەمدەلۋدى عانا ەمەس، ءوز پاتسيەنتتەرىن وڭالتۋدى دا جۇزەگە اسىراتىن ەرەكشە ۇلگىدەگى مامانداندىرىلعان ەمدەۋ مەكەمەسى.
لەپروزوري قىزىلوردا وبلىسىندا ورنالاسقان جانە ەكى ديسپانسەرى بار. ارنايى ەمدەۋدەن باسقا، ناۋقاستار بارلىق قاجەتتى مەديتسينالىق كومەكتى (حيرۋرگيالىق، وفتالمولوگيالىق، ستوماتولوگيالىق، تەراپيالىق جانە ت. ب. ) جانە وڭالتۋدى الادى.
«لەپروزوري الاپەسپەن اۋىراتىن ناۋقاستاردى وقشاۋلايتىن ورىن ەمەس. ەسەپتە تۇرعان پاتسەنتتەردىڭ ەلىمىزدىڭ باسقا مەديتسينالىق ۇيىمدارىندا ەمدەۋ-ساۋىقتىرۋ جانە وڭالتۋ قىزمەتتەرىن الۋ مۇمكىندىگى بار. پاتسيەنتتەردىڭ اراسىندا تۇراقتى مەديتسينالىق كومەككە مۇقتاج مۇگەدەكتەر، ءۇيسىز، باس تارتقان، تۋىستارى جوق جانە بەلگىلى ءبىر تۇرعىلىقتى جەرى جوق، الەۋمەتتىك باسپاناعا مۇقتاج ناۋقاستار بار. الاپەسپەن اۋىراتىن ناۋقاستاردى ديسپانسەرلەۋ رەتسيديۆ قاۋپىنە بايلانىستى ءومىر بويى جۇزەگە اسىرىلادى»، - دەيدى قازاق رەسپۋبليكالىق لەپروزوريىنىڭ باس دارىگەرى مولداعالي سەيتاليەۆ.
الاپەستى ەمدەۋدىڭ بۇكىل تاريحىندا ەل دارىگەرلەرى ءارتۇرلى تاكتيكالاردى قولداندى. باستاپقىدا ءىس-شارالار نەگىزىنەن پاتسيەنتتەردى انىقتاۋعا جانە وقشاۋلاۋعا باعىتتالعان. سودان كەيىن حيميوتەراپيانى جۇرگىزۋ مىندەتى ءبىرىنشى ورىنعا شىقتى. قازىرگى ۋاقىتتا الاپەستىڭ وزەكتى پروفيلاكتيكاسى - مۇگەدەكتىكتىڭ الدىن الۋ جانە ناۋقاستاردى وڭالتۋ.
اۆتور
اسحات رايقۇل
