پروكاتتا شىققالى 10 كۇن بولعان «ويتكەنى شىمكەنتتىك» فيلمى پروكاتتا 90 ميلليون تەڭگە جينادى
كارتينانىڭ بيۋدجەتىن اۆتورلار قۇپيا ۇستاۋدى ءجون كوردى، ءبىراق جانعارايەۆتىڭ ايتۋىنشا، لەنتاعا كەتكەن قارجى ءوزىن-ءوزى اقتادى.
ەسكە سالايىق، شىمكەنتتە تۋعان جىگىت تۋرالى فيلم پروكاتقا 19 - ناۋرىزدا شىقتى.
سيۋجەت بويىنشا، ءالىم ەسىمدى دارىندى جاس ساۋلەتشى شىمكەنتتەن الماتىعا كەلىپ، الماتىنىڭ قىزى اياسەمگە عاشىق بولادى. قىز دا جىگىتتىڭ ۇسىنىسىن قابىلدايدى، ءبىراق ونىڭ اتا-اناسى شىمكەنتتەن شىققان جىگىتكە ءوز قىزىن بەرگىسى كەلمەيدى.
ءالىم شىمكەنتتە تۋىلعانىن سۇيىكتىسىنەن دە، ونىڭ اتا-اناسىنان دا جاسىرادى. كەيىپكەر وتىرىك ايتقان سايىن، ونىڭ جاعدايى كۇردەلەنە بەرەدى.
ايتا كەتەيىك، جانىبەك جانعارايەۆ وڭتۇستىك قازاقستان وبلىسىنىڭ تۋماسى. سۇحباتىندا ول فيلمنىڭ ەشكىمنىڭ كوڭىلىنە تيمەيتىنىن جانە ونەگە الارلىق ءمانى بار ەكەنىن ايتقان ەدى. فيلمدە باستى رولدەردى جاس اكتەرلەر شاپاعات ورىنبايەۆ پەن اياسەم ماساقبايەۆالار وينايدى.
