اۋىل پارتياسى: 10 جىل بويى فۋتبولعا بولىنگەن اقشاعا 500 اۋىلدىڭ جاعدايىن جاقسارتۋعا بولار ەدى

«ەل اماناتى» ساۋالناماسىن وتكىزگەن ۋاقىتتا اۋىلداعى حالىق اۋىز سۋ ماسەلەسىن، جولدىڭ ساپاسىنا قاتىستى شاعىمدارىن ايتىپ جاتىر. بۇل ماسەلەلەردى شەشۋدىڭ بىرنەشە جولى بار.

بىرىنشىدەن، «اۋىل» پارتياسى اۋىلدى ايماقتاردى دامىتۋدىڭ مودەلىن ۇسىنادى. سونىمەن بىرگە اۋىل- ايماقتاردى دامىتۋ بويىنشا ستراتەگيالىق قۇجات دايىندايمىز. ەستەرىڭىزدە بولسا، 2004-2010 -جىلدارى «اۋىل- ايماقتاردى دامىتۋ باعدارلاماسى» ىسكە اسىرىلعان بولاتىن. سونىڭ شەڭبەرىندە اۋىلداردىڭ ءبارىن دە قۇجاتتاپ، نە بار، نە جوعى انىقتالعان. سوڭىنان وسى باعىتتا ءتىپتى كوميتەت قۇرىلعان ەدى. 2010 -جىلدان بەرى باعدارلاما ۇمىتىلىپ كەتتى. كوميتەت قازىر جوق. وسىنىڭ بارىنە قالپىنا كەلتىرۋ كەرەك دەپ ويلايمىز»، - دەدى اناس باققوجايەۆ و ك ق- دا وتكەن باسپا ءسوز ءماسليحاتىندا.

پارتيا مۇشەسى اۋىلدارعا بيۋدجەتتەن قاراجات ءبولىنۋى كەرەكتىگىن ءمالىم ەتتى.

«اقشا تابۋ قيىن زامان دەسەك تە، بيۋدجەتتە مۇنداي مۇمكىندىك بار. قازىر ءتيىمسىز، قوعامعا كەرەگى جوق باعدارلاما وتە كوپ. ءبىر فۋتبولدىڭ وزىنە كەيىنگى 10 جىلدىڭ ىشىندە 300 ميلليارد تەڭگەگە دەيىن دەمەۋشىلەردەن كومەك كورسەتىلگەن، ۇكىمەت تاراپىنان اقشا ءبولىنىپ جاتىر. سول قاراجاتقا كەم دەگەندە 500 اۋىلدىڭ جاعدايىن جاقسارتۋعا بولار ەدى. سوندىقتان پارتيا ءتيىمسىز باعدارلامالاردى انىقتاپ، ۇنەمدەلگەن اقشانى تەك اۋىلدىڭ ينفراقۇرىلىمىن تۇزەۋدى ۇسىنىپ وتىر»، - دەدى ول.

ايتا كەتسەك بۇگىنگى باسپا ءسوز ءماسليحاتىندا «اۋىل» ح د پ پ ءتوراعاسىنىڭ ءبىرىنشى ورىنباسارى تولەۋتاي راقىمبەكوۆ «ەل اماناتى» جالپى ۇلتتىق ساۋالناماسىنىڭ ناتيجەسىن جاريالاعان بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى