قازاقستاندىقتاردىڭ زەينەتاقى جيناعى 10,4 تريلليون تەڭگەگە جەتتى

ونىڭ ىشىندە مىندەتتى زەينەتاقى جارنالارى (م ز ج) بويىنشا جيناقتار سوماسى - 10,2 تريلليون تەڭگە، مىندەتتى كاسىپتىك زەينەتاقى جارنالارىنىڭ (م ك ز ج) جالپى سوماسى - 233,6 ميلليارد تەڭگە جانە ەرىكتى زەينەتاقى جارنالارى (ە ز ج) - 1,9 ميلليارد تەڭگە.

«جىل باسىنان بەرى زەينەتاقى جيناقتارى 1,04 تريلليون تەڭگەگە نەمەسە 11 پايىزعا ءوستى. بۇل رەتتە، زەينەتاقى جارنالارىنىڭ بارلىق تۇرلەرى بويىنشا تۇسىمدەر - 714,3 ميلليارد تەڭگە، تازا ينۆەستيتسيالىق تابىس كولەمى - 481,9 ميلليارد تەڭگە جانە زەينەتاقى تولەمدەرى 154,2 ميلليارد تەڭگە بولدى»، - دەلىنگەن زەينەتاقى قورىنىڭ رەسمي سايتىندا.

اتالعان كەزەڭدە ب ج ز ق- دا 308,5 مىڭ جەكە زەينەتاقى شوتى، ونىڭ 273,6 مىڭ شوتى م ز ج ەسەبىنەن اشىلعان. ال بۇل شوتتاردىڭ 64 پايىزى 30 جاسقا دەيىنگى سالىمشىلارعا تيەسىلى. قاراستىرىلىپ وتىرعان كەزەڭدە اي سايىنعى مىندەتتى زەينەتاقى جارنالارىنىڭ ورتاشا سوماسى -  17149 تەڭگەگە جەتتى.

2019 -جىلدىڭ توعىز ايى ىشىندە بەلسەندى سالىمشىلاردىڭ سانى 6,1 ميلليون ادام، ولاردىڭ ىشىندە 6 جانە ودان دا كوپ جارنا جاساعاندار 4,6 ميلليون ادام بولدى.

«2019 -جىلدىڭ قاڭتار- قىركۇيەك ايلارى ارالىعىندا سالىمشىلار مەن الۋشىلاردىڭ شوتتارىنا ەسەپتەلگەن تازا ينۆەستيتسيالىق تابىس سوماسى 481,9 ميلليارد تەڭگەدەن استى. بۇل رەتتە، زەينەتاقى جيناقتارىنىڭ تابىستىلىعى سوڭعى 12 اي ىشىندە 8,4 پايىزدى قۇرادى. بۇل كەزەڭدە ينفلياتسيا دەڭگەيى 5,3 پايىزدى كورسەتتى. وسىلايشا، زەينەتاقى اكتيۆتەرىنىڭ تابىستىلىعى ينفلياتسيادان جوعارى بولىپ، ناقتى تابىستىلىق وڭ سيپاتقا يە بولىپ وتىر»، - دەلىنگەن حابارلامادا.

اۆتور ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى