كەيىنگى 10 جىلدا ەل مەكتەپتەرىندە وقۋشى سانى 1 ميلليونعا ارتقان

وقۋ-اعارتۋ ءمينيسترى اسحات ايماعامبەتوۆ بۇل قازاقستان ءۇشىن رەكوردتىق كورسەتكىش ەكەنىن ەسكە سالدى، دەپ حابارلايدى قازاقپارات ءتىلشىسى.

«جايلى مەكتەپ» پيلوتتىق جوباسى ماڭىزى مەن اۋقىمى بويىنشا بۇرىن-سوڭدى بولماعان، ەرەكشە شارا دەپ ايتسام ارتىق ەمەس. ناقتى ايتقاندا، جوبا كوپ جىلدار بويى شەشىمىن تاپپاي كەلە جاتقان ءۇش اۋىسىمدى جانە اپاتتى مەكتەپتەر مەن وقۋشى ورىندارىنىڭ تاپشىلىعىن جويۋعا باعىتتالعان»، - دەدى مينيستر ۇكىمەت وتىرىسىندا.

ايتۋىنشا، جوبانى ءتيىمدى ىسكە اسىرۋ ءۇشىن جان- جاقتى تالداۋ جاسالعان

«تەك سوڭعى 10 جىلدىڭ ىشىندە وقۋشى سانى 1 ميلليونعا ءوسىپ، بۇگىنگى كۇنى 3,7 ميلليونعا جەتىپ قالدى. بۇل تاريحتا بولماعان رەكوردتىق كورسەتكىش. وسىعان بايلانىستى مەكتەپتەرگە ۇلكەن جۇكتەمە ءتۇسىپ وتىر. پروبلەماعا اسەر ەتىپ وتىرعان بەس فاكتور بار. ولار - ۋربانيزاتسيا، ميگراتسيا، تۋۋ كورسەتكىشى، مەكتەپ عيماراتتارىنىڭ توزۋى جانە مەگاپوليستەردە تۇرعىن ۇيلەردىڭ تىعىز سالىنۋى. بۇل فاكتورلار جوبادا تولىعىمەن ەسكەرىلدى»، - دەدى اسحات ايماعامبەتوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى