تاربيەشى ماماندىعىنا بۇرىن ءبىر ورىنعا 10 ادامنان استام ۇمىتكەر بولسا، قازىر 1-گە دە جەتپەيدى - ايماعامبەتوۆ

«كەيىنگى 3 جىلدا بالاباقشا تاربيەشىلەرىنىڭ جالاقىسى ەكى ەسەگە دەيىن وسكەنىمەن، ونىڭ بىلىكتى كادرلاردى تارتۋعا ءالى دە جەتكىلىكسىز ەكەنى بايقالىپ وتىر. وسىدان بىرنەشە جىل بۇرىن ج و و- داعى ءبىر ورىنعا 10 ادامنان استام ۇمىتكەر بولسا، قازىر 1-گە دە جەتپەيدى. وسىعان بايلانىستى مەملەكەت باسشىسى بالاباقشا تاربيەشىلەرىنىڭ جالاقىسىن كوبەيتىپ، جۇكتەمەسىن ازايتۋدى تاپسىردى. بالالاردى بالاباقشامەن قامتۋ بويىنشا قوسىمشا شارالار قابىلدانادى»، - دەپ جازادى مينيستر.

مينيستر مەملەكەت باسشىسىنىڭ ءۇش اۋىسىمدا وقيتىن جانە قيراپ تۇرعان مەكتەپتەردىڭ ماسەلەلەرىن شەشۋ ءۇشىن «جايلى مەكتەپ» جاڭا ۇلتتىق جوباسىن قابىلداۋدى تاپسىرعانىنا دا توقتالعان.

«2021 -جىلى 250-دەن استام مەكتەپ پايدالانۋعا بەرىلگەن بولاتىن. بيىل تاعى 230-دان استام مەكتەپ اشۋ جوسپارلانعان. وسىعان قاراماستان، ماسەلە ءالى وتكىر كۇيىندە قالىپ وتىر. ۇلتتىق جوبا اياسىندا 2025 -جىلعا قاراي كەمىندە 840 مىڭ وقۋشى ورنىن قۇرۋ جوسپاردا بار. سونىمەن قاتار، جاڭا مەكتەپتەر زاماناۋي قۇرال- جابدىقتارمەن، قاجەتتى سىنىپتار سانىمەن جانە سپورت زالدارىمەن جابدىقتالۋى كەرەك. باستاۋىش جانە جوعارى سىنىپتاردى جەكە اسحانالارى، جۋىناتىن بولمەلەرى، سپورت زالدارى بار بولەك بلوكتاردا وقىتۋ ۇسىنىلىپ وتىر»، - دەيدى اسحات ايماعامبەتوۆ.

ەسكە سالساق، 1- قىركۇيەكتە مەملەكەت باسشىسى قاسىم- جومارت توقايەۆ پارلامەنت پالاتالارىنىڭ بىرلەسكەن وتىرىسىندا جەتىنشى سايلانعان پارلامەنتتىڭ ءۇشىنشى سەسسياسىن اشىپ، حالىققا جولداۋىن جاريالادى.

رەداكتور

گۇلنۇر عازيز قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى