قىزىلوردا وبلىسىنداعى مۇناي 10-15 جىلدا بىتەدى - ق. كوشەربايەۆ

بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە قىزلوردا وبلىسىنىڭ اكىمى قىرىمبەك كوشەربايەۆ ايتتى.

ونىڭ ايتۋىنشا، قۇمكولدەگى مۇناي قورى 126 ميلليون توننانى قۇرايدى. ال جىل سايىنعى مۇناي ءوندىرۋ كولەمى - 10 ميلليون  توننا.

«ەڭ نەگىزگى مۇناي قورى قۇمكولدە جاتىر. ەندى وزدەرىڭىز ساناي بەرىڭىزدەر، الداعى 10-15 جىلدا بۇل مۇناي قورى تۇگەسىلەدى. ال ودان كەيىن نە ىستەيمىز؟ ەگەر دە ءبىز بۇگىننەن باستاپ ەكونوميكانىڭ قۇرىلىمىن وزگەرتىپ، ونى بارىنشا ديۆەرسيفيكاتسيالاماساق، وندا ءوڭىر ۇلكەن داعدارىسقا ۇشىرايدى. سوندىقتان، پرەزيدەنت جاريالاعان يندۋستريالىق- يننوۆاتسيالىق باعدارلاما وبلىستى دامىتۋدىڭ بىردەن ءبىر جولى بولماق»، - دەدى قىرىمبەك كوشەربايەۆ.

 اكىمنىڭ ايتۋىنشا، وسىعان بايلانىستى وبلىستا ءبىرقاتار جوعارى تەحنولوگيالىق جوبالار ىسكە اسىرىلىپ جاتىر. ماسەلەن، شىنى تاباقشالارىن وندىرەتىن، «Smart Rubber» ج ش س رەزەڭكە توسەنىش بۇيىمدارىن شىعاراتىن، شيەلى اۋدانىندا قيىرشىق تاس ءوندىرۋ زاۋىتتارى جانە «ارال تۇز» ا ق ءوندىرىسىن جاڭعىرتۋ جوبالارى بار.

سونداي- اق، اكىمنىڭ مالىمەتىنشە، اۋىل شارۋاشىلىق سالاسىن دامىتۋ دا قولعا الىنعان. بۇل تۇرعىدا ءداندى داقىلداردى جانە باۋ- باقشا ونىمدەرىن وندىرۋگە باسىمدىق بەرىلەدى.

 اۆتور: ءابۋ- اسقار مەكەش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى