1 ميلليارد تەڭگە ۇرلاعان: «قازارناۋلىەكسپورت» باسشىلارى ۇستالدى
قارجىلىق مونيتورينگ اگەنتتىگى «قازارناۋلىەكسپورت» باسشىسىنىڭ ۇستالعانىن ءمالىم ەتتى. رەسمي مالىمەت بويىنشا، اگەنتتىك بۇل ارەكەتىن باس اسكەري پروكۋراتۋرانىڭ ۇيلەستىرۋىمەن جۇزەگە اسىرعان، دەپ حابارلايدى Kazinform.
«قارجىلىق مونيتورينگ اگەنتتىگى باس اسكەري پروكۋراتۋرانىڭ ۇيلەستىرۋىمەن «قازارناۋلىەكسپورت» رمك لاۋازىمدى تۇلعالارى مەن باقىلاۋىنداعى زاڭدى تۇلعالاردىڭ باسشىلارىن ۇستادى.
ولار مەملەكەتتىك قورعانىس تاپسىرىستارىن ورىنداۋ اياسىندا باعانى كوتەرۋ ارقىلى اسكەري جانە اسكەري- تەحنيكالىق ماقساتتاعى تاۋارلاردى (ونىمدەردى) ساتىپ الۋ كەزىندە 1 ميلليارد تەڭگەگە جۋىق بيۋدجەت قاراجاتىن ۇرلادى دەگەن كۇدىككە ىلىنگەن» ، - دەلىنگەن اگەنتتىكتىڭ باسپا ءسوز قىزمەتى بەرگەن مالىمەتتە.
قازىر بۇل فاكت بويىنشا سوتقا دەيىنگى تەرگەۋ ءجۇرىپ جاتىر.
«ق ر قىلمىستىق- پروتسەسسۋالدىق كودەكستىڭ 201-بابىنىڭ تالاپتارىنا سايكەس وزگە دە مالىمەتتەر جاريا ەتىلۋگە جاتپايدى.
«قازارناۋلىەكسپورت» ر م ك- نىڭ ماقساتى قازاقستان رەسپۋبليكاسى قارۋلى كۇشتەرىنە، باسقا دا اسكەرلەر مەن اسكەري قۇرالىمدارعا، ارناۋلى مەملەكەتتىك، قۇقىق قورعاۋ ورگاندارىنا، مەملەكەتتىك ماتەريالدىق رەزەرۆتەرگە، جۇمىلدىرۋ، عارىش قىزمەتىنە ازاماتتاردىڭ قورعانىس قابىلەتىن جانە قۇقىقتىق ءتارتىپتى ساقتاۋدا كومەك كورسەتۋ بولىپ تابىلادى»، - دەپ جازىلعان رەسمي اقپاراتتا.
