1 دوللار 600 تەڭگەگە جەتە مە - ۇلتتىق بانك ءتوراعاسى جاۋاپ بەردى
استانا. KAZINFORM - قر ۇلتتىق بانكىنىڭ ءتوراعاسى تيمۋر سۇلەيمەنوۆ 1 ا ق ش دوللارى 600 تەڭگەگە جەتپەيتىنىن ايتتى.
- ۇلتتىق بانكتە ءتيىستى تالداۋ جاسالدى. سونىڭ اياسىندا 1 دوللار باعامى 600 تەڭگەگە جەتەدى دەپ بولجاپ وتىرعان جوقپىز. بۇل رەتتە باعام قازىرگى قالىپتاسقان دەڭگەيدە ساقتالۋى مۇمكىن. جاڭا عانا تەكسەردىم (رەسمي باعامدى)، قازاقستان قور بيرجاسىندا ونىڭ دەڭگەيى 523 تەڭگە شاماسىندا، - دەدى ت. سۇلەيمەنوۆ سەناتتا تىلشىلەر سۇراعىنا جاۋاپ بەرە وتىرىپ.
وسى ورايدا ول ۆاليۋتا باعامىنىڭ وزگەرۋىن نارىق انىقتايتىنىن ەسكە سالدى.
- جوعارىدا ايتقان بولجام كەلەسى جىلعا قاتىستى، - دەپ ناقتىلادى ۇب باسشىسى.
ايتا كەتەيىك، ۇلتتىق بانكتىڭ 5 -جەلتوقسانعا ارنالعان رەسمي باعامى — 1 دوللارعا 523,58 تەڭگە.
