اقپاننىڭ 1 نەن باستاپ بەلارۋس رەسەيلىك مۇنايدىڭ ترانزيتىنىڭ تاريفتەرىن 9,7 پايىزعا وسىرەدى
ب ر ەكونوميكا مينيسترلىگىنىڭ سايكەس قاۋلىسى ۇلتتىق قۇقىقتىق عالامتور-پورتالىندا جاريالانعان.
قۇجات بويىنشا 1- اقپاننان باستاپ مۇنايدى «گومەلترانسنەفت درۋجبا» ا ا ق جانە «پولوتسكترانسنەفت درۋجبا» ا ا ق- نىڭ باسقارۋىنداعى ماگيسترالدىق مۇناي قۇبىرلارى ارقىلى «ۋنەچا (ۆىسوكوە) - اداموۆا زاستاۆا» باعىتىمەن تاسىمالداۋ تاريفتەرى ءبىر توننا ءۇشىن 234,85 رەسەيلىك رۋبلدى، ۋنەچا (ۆىسوكوە) - برودى» باعىتىمەن تاسىمالداۋ - ءبىر توننا ءۇشىن 100,88 رۋبلدى، «نيەۆەل (ۆەليكيە لۋكي) - پولوتسك - ۆىسوكوە» باعىتىمەن تاسىمالداۋ - ءبىر توننا ءۇشىن 29,27 رۋبلدى قۇرايدى (مۇنايدى ءارى قاراي - گەرمانيا، چەحيا، سلوۆاكيا، پولشا، ۆەنگريا، ۋكراينا باعىتتارىمەن اۋىستىرۋ ءۇشىن قابىلداۋ جانە تاسىمالداۋ تاريفى).
بارلىق تاريفتەر قوسىلعان قۇن سالىعىنسىز كورسەتىلگەن.
بۇعان دەيىن بەلارۋس 2014-جىلدىڭ 1- اقپانىنان باستاپ رەسەيلىك مۇنايدى تارانزيتتەۋ جانە تاسىمالداۋ تاريفتەرىن 8,3-8,9 پايىزعا وسىرگەن. 2013-جىلى تاريفتەر 9,7 پايىزعا جوعارىلادى.
