قازاقستاندا ۋاقىتشا تۇرىپ جاتقان رەسەيلىك الاياققا 1,6 ميلليون تەڭگەسىن اۋدارىپ جىبەرگەن
قوسشى قالاسىنىڭ پوليتسيا بولىمىنە سەلينوگراد اۋدانىندا ۋاقىتشا تۇرىپ جاتقان تيۋمەن وبلىسىنىڭ تۇرعىنى - رەسەي فەدەراتسياسىنىڭ ازاماتىنان ءوتىنىش تۇسكەن.
ايەل ادام 3- قاراشادا Telegram الەۋمەتتىك جەلىسىندەگى چاتتاردىڭ بىرىنەن «ءتيىمدى باعام بويىنشا رۋبلدى تەڭگەگە ايىرباستاۋ» تۋرالى حابارلاندىرۋ كورەدى. ول حابارلاندىرۋ اۆتورىمەن بايلانىسىپ، 72 مىڭ رۋبلدى تەڭگەگە ايىرباستايدى. وسىلايشا، العاشقى مامىلەسى ءساتتى وتەدى. كەيىنىرەك ەر اداممەن كەزەكتى ۆاليۋتا ايىرباستاۋ تۋرالى كەلىسە وتىرىپ، جابىرلەنۋشى ونىڭ شوتىنا 237500 رۋبل (1,6 ميلليون تەڭگە) سوماسىندا اقشا اۋدارادى. وسى قولما- قول اقشانى العان كۇدىكتى ءوزىنىڭ قۇربانىمەن اراسىنداعى جالعىز بايلانىس قۇرالى بولعان Telegram ارناسىن ءوشىرىپ تاستاعان.
قوسشى قالاسىنىڭ پوليتسيا ءبولىمى وسى فاكتى بويىنشا ق ر ق ك- ءنىڭ 190-بابىمەن (الاياقتىق) سوتقا دەيىنگى تەرگەۋ باستادى. كۇدىكتى ادامدى انىقتاۋ بويىنشا جەدەل- تەرگەۋ ءىس- شارالارى جۇرگىزىلىپ جاتىر.
