استانادا ۇلەسكەرلەردى زاڭسىز تارتقان كومپانياعا 1,5 ميللون تەڭگە ايىپپۇل سالىندى
استانا قالاسىنىڭ اكىمشىلىك قۇقىقبۇزۋشىلىقتار جونىندەگى مامانداندىرىلعان اۋدانارالىق سوتى ج ش س- عا قاتىستى ۇلەسكەرلەردىڭ اقشاسىن تارتۋ تارتىبىنە جانە ق ر تۇرعىن ءۇي زاڭناماسىندا بەلگىلەنگەن تۇرعىن ءۇي قۇرىلىسىنا ۇلەستىك قاتىسۋ تۋرالى تالاپتاردى بۇزعانى ءۇشىن ءىستى قارادى (ا ق ب ت ك 320-بابىنىڭ 1-بولىگى) .
ءىس ماتەريالدارىنا سايكەس، ج ش س- نىڭ كەپىلدىك بەرۋ قورىنىڭ كەپىلدىگىن الماعانى، ەكىنشى دەڭگەيلى بانكتىڭ جوباسىنا قاتىسپايتىنى، ۇلەسكەرلەردىڭ اقشاسىن تارتۋدى باستاۋ ءۇشىن وبەكتىدەگى تۇرعىن ءۇي قاڭقاسى تۇرعىزىلماعانى (قۇرىلىس جەراستى پاركينگىندە توقتاعان)، ەلوردانىڭ جەرگىلىكتى اتقارۋشى ورگانىنىڭ ۇلەسكەرلەردىڭ اقشاسىن تارتۋعا رۇقساتى الىنباعانى انىقتالعان.
«ق ر تۇرعىن ءۇي قۇرىلىسىنا ۇلەستىك قاتىسۋ تۋرالى» زاڭىنىڭ 18-بابىندا ۋاكىلەتتى كومپانيا ۇلەسكەرلەردىڭ اقشاسىن تارتۋدى وبلىستىڭ، رەسپۋبليكالىق ماڭىزى بار قالانىڭ، استانانىڭ، اۋداننىڭ، وبلىستىق ماڭىزى بار قالانىڭ جەرگىلىكتى اتقارۋشى ورگانىنىڭ رۇقساتى نەگىزىندە جۇزەگە اسىرادى دەپ جازىلعان.
سونداي- اق «ق ر تۇرعىن ءۇي قۇرىلىسىنا ۇلەستىك قاتىسۋ تۋرالى» زاڭىنىڭ 7-بابى ۇلەستىك قاتىسۋدى ۇيىمداستىرۋ تاسىلدەرىنىڭ تولىق تىزبەسىن قامتيدى، مىسالى:
1) ءبىرىڭعاي وپەراتوردىڭ كەپىلدىگىن الۋ؛
2) ەكىنشى دەڭگەيدەگى بانكتىڭ جوباسىنا قاتىسۋ؛
3) تۇرعىن ءۇيدىڭ (عيماراتتىڭ) قاڭقاسى تۇرعىزىلعاننان كەيىن ۇلەسكەرلەردىڭ اقشاسىن تارتۋ.
سوت قاۋلىسىمەن ج ش س- عا مەملەكەتتىك بيۋدجەت كىرىسىنە 1 ميلليون 35 مىڭ تەڭگە ايىپپۇل تۇرىندە جازا قولدانىلىپ، اكىمشىلىك جاۋاپقا تارتىلدى.
