تارازدا جاڭا تۋعان ءسابيدى 1,5 ميلليون تەڭگەگە ساتقان اكۋشەرلەر قاماۋعا الىندى

تاراز قالاسىنىڭ پروكۋراتۋراسى جانە جامبىل وبلىسى پ د ۇيىمداسقان قىلمىسقا قارسى ءىس-قيمىل باسقارماسىمەن بىرلەسىپ جەدەل ىزدەستىرۋ شارالارىن جۇرگىزدى.

سونىڭ ناتيجەسىندە جاڭا تۋعان ءسابيدى ساتۋ فاكتىسى انىقتالدى.

بيىلعى 12- قاڭتار كۇنى اتالعان دەرەك بويىنشا ق ر ق ك 135-بابىنىڭ 1-بولىگىمەن سوتقا دەيىنگى تەرگەۋ باستالعان. ونىڭ بارىسىندا 39 جاستاعى ايەلدىڭ جاڭا تۋعان قىز بالانى اكۋشەردەن 1,5 ميلليون تەڭگەگە ساتىپ العانى اشكەرە بولعان.

قازىر تاراز قالالىق كوپبەيىندى اۋرۋحاناسىنىڭ 2 مەديتسينالىق قىزمەتكەرى ۇستالدى.

اتالعان تۇلعالار ق ر ق پ ك 128-بابىمەن ۋاقىتشا ۇستاۋ يزولياتورىنا قاماققا الىندى.

اتالعان قىلمىستىق ءىستىڭ تەرگەلۋ بارىسى قالا پروكۋراتۋراسىنىڭ باقىلاۋىنا الىنعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى