وتكەن جىلى وزبەكستانعا 1,5 ميلليوننان استام قازاقستاندىق تۋريست بارعان

وزبەكستان مەملەكەتتىك ستاتيستيكا كوميتەتىنىڭ مالىمەتىنشە، 2022-جىلى وزبەكستانعا تۋريستىك ماقساتتا 5,2 ميلليون شەتەلدىك ازامات كەلگەن، بۇل الدىڭعى جىلعى كورسەتكىشتەن 3,4 ميلليون نەمەسە 2,8 ەسە ارتىق.

بارلىق شەتەلدىك تۋريستەردىڭ ۇشتەن ءبىر بولىگىن قازاقستان ازاماتتارى قۇرادى - 1551,1 مىڭ ادام. سونداي-اق، وسى تىزىمدەگى ۇشتىككە وزبەكستانمەن كورشىلەس ەلدەر كىردى: تاجىكستان - 1447,1 مىڭ تۋريست، قىرعىزستان - 1356,9 مىڭ تۋريست.

رەسەي فەدەراتسياسىنان كەلگەن قوناقتار اعىنى 567,7 مىڭ ادامدى قۇرادى. الىس شەتەلدەن 277 مىڭ تۋريست كەلدى، ونىڭ ىشىندە تۇركيادان - 75,6 مىڭ قوناق، وڭتۇستىك كورەيادان - 19,9 مىڭ، گەرمانيادان - 17,7 مىڭ، ءۇندىستاننان - 16,8 مىڭ، ا ق ش- تان - 13,1 مىڭ ادام.

بۇعان دەيىن 2023-جىلدىڭ 2- قاڭتارىنان باستاپ وزبەكستاننىڭ بەس اۋەجايىندا Tax Free باعاندارى جۇمىس ىستەي باستاعانىن حابارلاعان ەدىك، وندا شەتەلدىك تۋريستەر ساتىپ الىنعان تاۋارلار ءۇشىن ق ق س سوماسىن قايتارا الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى