استانادا پاتەر يەلەرىنە 1,5 ميلليون تەڭگە ايىپپۇل سالىندى
قاڭتار-ماۋسىم ايلارىندا تەكسەرۋ بارىسىندا قازاقستاندا تۇرعىلىقتى مەكەن-جايىن اۋىستىرعان، ەلورداعا قونىس اۋدارعان 300 دەن استام ازامات تىركەلدى.
ونىمەن بىرگە 190 مىڭعا جۋىق ادام ۋاقىتشا تىركەۋگە تۇردى، 115 مىڭ ادام تۇراقتى تىركەۋدەن ءوتتى.
«تەكسەرۋ بارىسىندا پاتەر جالداۋشىلاردى تىركەۋدەن وتكىزبەگەن 120 پاتەر يەسىنە ايىپپۇل سالىندى. سالىنعان ايىپپۇل سوماسى - شامامەن 1,5 ميلليون تەڭگە. ەلوردادا 3 مىڭعا جۋىق ازامات تىركەۋدەن وتپەگەن»، - دەدى استانا قالالىق ءى ءى د كوشى-قون باسقارماسىنىڭ باسشىسى ەركەتاي تۇتقىشەۆ.
«قولدانىستاعى زاڭنامانى بۇزعان قازاقستان ازاماتىنا ەسكەرتۋ جاسالدى. ەگەردە ول ەلوردادا 1-ايدان استام ۋاقىت تىركەۋسىز تۇرسا، وندا وعان 5 ا ە ك مولشەرىندە (9000 تەڭگەدەن استام) ايىپپۇل سالىنادى»، - دەدى ەركەتاي تۇتقىشەۆ.
قابىلدانعان زاڭعا سايكەس ءار قازاقستاندىق تۇرعىلىقتى مەكەن-جاي بويىنشا تىركەۋدەن وتۋگە مىندەتتى. اتالمىش زاڭ 2017-جىلدىڭ باسىندا ءوز كۇشىنە ەنگەن بولاتىن.
