استانادا 1,5 مىڭ پوليتسەي مەن اسكەري قىزمەتشى جاڭا جىل كۇندەرى ءتارتىپ قاداعالايدى
«جاڭا جىل مەرەكەسى اتاپ وتىلەتىن - 31 جەلتوقسان مەن 4 قاڭتار كۇندەرى ارالىعىندا جانە قاڭتاردىڭ 7- مەن 8- كۇندەرى استانا ىشكى ىستەر دەپارتامەنتىنىڭ جەكە قۇرامى كۇشەيتىلگەن قىزمەت كەستەسىنە كوشىرىلەدى.
ق ر ءى ءى م پوليتسيا قىزمەتكەرى مەن ۇلتتىق ۇلاننىڭ جاۋىنگەرلەرى جالپى سانى 1500 ادام قوعامدىق ءتارتىپتى قورعاۋعا جۇمىلدىرىلادى. سونداي-اق، مەرەكە كۇندەرى اۆتوپاترۋلدەر كوپتەپ تارتىلاتىن بولادى»، - دەلىنگەن تاراتىلعان حابارلامادا.
ءى ءى د حابارلاۋىنشا، قازىرگى ۋاقىتتا قوعامدىق ورىنداردا ازاماتتاردىڭ قاۋىپسىزدىگىن قامتاماسىز ەتۋ ءۇشىن تولىق شارالار كەشەنى جۇرگىزىلۋدە. وقيعا ورنىنا دەر كەزىندە جەتۋ ءۇشىن قوسىمشا جەدەل-تەرگەۋ توپتارى قۇرىلدى. قايعىلى وقيعالاردىڭ الدىن الۋ ءۇشىن سەرتيفيكاتتالماعان پيروتەحنيكالىق ونىمدەردى ساتۋدىڭ جولىن كەسۋ بويىنشا جۇمىس جۇرگىزىلۋدە. تىيىم سالىنعان زاتتاردى اكەلۋگە جول بەرمەۋ ءۇشىن باقىلاۋ كۇشەيتىلدى.
