جاسىل بەلدەۋ اۋماعىندا قوسىمشا 1,5 ميلليوننان استام اعاش وتىرعىزىلادى

2012 -جىلدان بەرى استانادا 1323,5 گەكتار جەرگە، «وڭتۇستىك- باتىس بولىگى» جانە «تالدىكول سۋ جيناعىشى» ۋچاسكەلەرىندە 1846560 كوشەت وتىرعىزىلدى، دەپ حابارلادى ەلوردا اكىمدىگىنىڭ باسپا ءسوز قىزمەتى.

اعاشتار كومىرقىشقىل گازىن سىڭىرەدى جانە وتتەگى ءبولىپ شىعارادى، 24 ساعاتتىڭ ىشىندە ءبىر اعاشتان ءۇش ادامعا جەتەرلىك وتتەگى بولىنەدى، ال 1 گەكتار جاسىل كوشەت ءبىر ساعاتتا 8 ل كومىرقىشقىل گازىن ءسىڭىرىپ، اتموسفەراعا 30 ادامنىڭ ءومىرىن قولداۋعا جەتەرلىك وتتەگى مولشەرىن ءبولىپ شىعارادى. اعاش قالىڭدىعى 45 م جۋىق اۋا قاباتىن كومىرقىشقىل گازىنان تازارتادى.

قالا كوشەلەرى مەن ساياباقتاردا وتىرعىزىلعان جاسىل كوشەتتەر ساندىك- جوسپارلاۋ جانە رەكرەاتسيالىقتان باسقا، وتە ماڭىزدى قورعانىش جانە سانيتارلىق- گيگيەنالىق رول اتقارادى. جەرگىلىكتى جەردىڭ اۋا رايىنىڭ ەرەكشەلىكتەرىن ەسكەرە وتىرىپ، ەلوردا اۋماعىندا اۋا رايى جاعدايلارى كۇرت وزگەرگەن جاعدايدا وسە الاتىن اعاش ەگىلەدى. اتاپ ايتقاندا، تەرەك، تال، قايىڭ، ۇيەڭكى، كادىمگى قاراعاي، ءسىبىر شىرشاسى، شەگىرشىن، جيدە جانە ت. ب.

بەس جىلدا استانانىڭ جاسىل بەلدەۋىنىڭ %56 قىلقان جاپىراقتى اعاشتار (شىرشا، قاراعاي، ءسىبىر بالقاراعايى) جانە %44 جاپىراقتى اعاشتار (ەمەن، شەگىرشىن، جيدە) وتىرعىزىلدى.

قازىرگى تاڭدا استانا قالاسىنىڭ جاسىل بەلدەۋى اۋماعىندا كوشەتتەردى قالپىنا كەلتىرۋ مەن ەكىنشى قابىلداۋداعى ورمان داقىلدارىن جاساۋ جوباسىنىڭ كەزەكتى كەزەڭى ازىرلەندى.

جاسىل بەلدەۋ اۋماعىندا قويان، تۇلكى، قارساق، قۇر مەن قىرعاۋىلدار مەكەندەيدى. 5 جىلدىڭ ىشىندە 4483 قىرعاۋىل ءوسىرىلدى.

وتكەن جىلى جاسىل بەلدەۋ اۋماعىنا 4083 جابايى اڭ جىبەرىلگەن. قازىرگى كەزدە ۆولەردە 400 قىرعاۋىل مەن 1500 دەن استام بالاپان بار. قىرعاۋىلدار مەكەندەيتىن ارەالدىڭ مونيتورينگى ولاردىڭ جىل سايىن جاسىل بەلدەۋ اۋماعىنا تارالىپ، تابيعاتتا بەلسەندى كوبەيىپ جاتقانىن كورسەتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى