سەزيدى تاپقان قىزىلوردالىق ازاماتقا 1,5 ميلليون تەڭگە سىياقى بەرىلمەك
«قازپرومگەوفيزيكا» كومپانياسى قاۋىپتىڭ الدىن الىپ، ىزدەۋ جۇمىستارىنا كومەكتەسكەن ازاماتقا قوماقتى قارجىنى ەرتەڭ اپارىپ بەرمەك.
بۇل تۋرالى بۇگىن توتەنشە جاعدايعا بايلانىستى ماڭعىستاۋ وبلىسىندا قۇرىلعان شتابتىڭ ءتوراعاسى ءانۋار شوجەعۇلوۆ مالىمدەدى.
مامانداردىڭ ايتۋىنشا، سىياقى تۋرالى حابار ىزدەستىرۋ شارالارىنا كومەكتەسكەنىن ايتادى.
كونتەينەر اشىلماعان، ونى اقتاۋعا الىپ قايتۋ ءۇشىن كومپانيا وكىلدەرى قىزىلورداعا ۇشىپ كەتتى. ونىڭ قىزىلوردا وبلىسىنا قالاي تاپ بولعانى، راديواكتيۆتى سەزيدى نە ماقساتتا العاندىعىن قىزىلوردالىق قۇقىق قورعاۋشىلار انىقتاپ جاتىر.
ال ماڭعىستاۋ وبلىستىق ىشكى ىستەر دەپارتامەنتىنىڭ قىزمەتكەرلەرى اسا ۋلى زاتتىڭ جوعالۋىنا ايىپتى ازاماتتاردىڭ ۇستىنەن قىلمىستىق ءىس قوزعادى. ەگەر ولاردىڭ كىنالارى دالەلدەنسە، 8 جىلعا دەيىن باس بوستاندىعىنان ايىرىلۋى مۇمكىن.
«جوعالعان كونتەينەر تابىلدى، قاۋىپ سەيىلدى. ەندى ايماق تۇرعىندارى تىنىش ۇيىقتايتىن بولدى. 8 كۇن بويى تىنباي ىزدەستىرۋ جۇمىستارىنا اتسالىسقان شتاب مۇشەلەرى مەن قۇقىق قورعاۋشىلارعا العىسىمىزدى بىلدىرەمىز. ال وسى ىسكە قول ۇشىن بەرگەن قىزىلوردالىق ازامات ءتيىستى سىياقىسىن الاتىن بولادى»، - دەدى ماڭعىستاۋ وبلىسى اكىمىنىڭ ورىنباسارى شتاب باسشىسى ءانۋار شوجەعۇلوۆ.
