ەينشتەيننىڭ باقىت تۋرالى جازباسى 1,56 ميلليون دوللارعا ساتىلدى
ول جازبانى ەينشتەيىن 1922 -جىلى توكيو قوناق ۇيلەرىنىڭ بىرىندە شايپۇل ورنىنا مەيمانحانا قىزمەتشىسىنە بەرەدى. نوبەل سىيلىعى بەرىلگەنى جايىندا جاڭا عانا حابار تاۋىپ وتىرعان عالىم قىزمەتشىگە قاعازدى ۇسىنا وتىرىپ، بۇل قاعازدار ادامعا اقشادان گورى الدەقايدا كوپ داۋلەت اكەلەتىنىن ايتادى.
سالىستىرمالى تەورياسىنىڭ اۆتورى بەرگەن قاعازعا نەمىس تىلىندە ۇنەمى تابىستىڭ ارتىنان قۋۋ مەن تاعاتسىزدىققا قاراعاندا جايباراقات ءارى سىپايى ءومىر كوبىرەك باقىت اكەلەتىنى جازىلعان.
ەرىك-جىگەر بار جەردە امال دا بولاتىنى جازىلعان ەكىنشى ءبىر جازبا 240 مىڭ دوللارعا ساتىلدى. «ۆيننەر» ءباسساۋدا ءۇيىنىڭ وكىلىنىڭ ايتۋىنشا، جازبالاردىڭ ءبىرىن ەسىمى جاريالاۋدى قالامايتىن ەۋروپالىق ساتىپ العان.
بۇل جازبالاردى اۋكسيونعا سول باقىتتى قوناق ءۇي قىزمەتشىسىنىڭ تۋىسى شىعارعان، دەپ حابارلايدى BBC.
