دەنساۋلىق: ادامدار تاۋلىگىنە كەمىندە 1,5-2 ليتر سۋ ءىشۋ قاجەت

 الايدا، كەمبريدج قالاسىندا ورنالاسقان گارۆارد ۋنيۆەرسيتەتىنىڭ عالىمدارىنىڭ سوڭعى زەرتتەۋى اعزانىڭ قالىپتى جۇمىس ىستەۋى ءۇشىن 4-6 ستاقان سۋ ءىشۋ جەتكىلىكتى ەكەنىن كورسەتتى. بۇل شامامەن 0,8-1,5 ليتر.

ولار زەرتتەۋ ناتيجەسىن Clinical Journal of Sports Medicine باسىلىمىنا جاريالادى.

عالىمدار سۋدى مولشەردەن تىس تۇتىنۋ اعزاداعى تۇزدى شايىپ كەتەتىنىن انىقتادى. ەگەر تۇراقتى تۇردە نورمادان اسىرىپ سۋ ىشىلسە، ول ناتريدىڭ جەتىسپەۋىنە اكەلۋى مۇمكىن. بۇل ءوز كەزەگىندە باس اۋرۋىن تۋدىرىپ، باستىڭ اينالۋىنا اكەلەدى، كەي جاعدايلاردى قۇسقىسى كەلۋى مۇمكىن.

 عالىمداردىڭ ايتۋىنشا، سۋدى كۇن ىشىندە اعزا قانشا سۇيىقتىق شىعىندايتىنىنا بايلانىستى ءىشۋ قاجەت. ەگەر سىرتتا 30 گرادۋس ىستىق بولسا، اعزا سۋدى تەز سىڭىرەدى. مۇنداي جاعدايدا ماماندار كۇندىز سۋ تۇتىنۋ نورماسىن ەكى ەسەگە ارتتىرۋدى ۇسىنادى.

ەگەر ادام دەنە جاتتىعۋىمەن اينالىسسا، وندا سۋدى كۇنىنە 2 ليتردان ارتىق تۇتىنۋ قاجەت.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى