ەلىمىزدىڭ سولتۇستىگىندە حالىق سانى 1 ميلليون ادامعا كەمىپ، وڭتۇستىكتە كەرىسىنشە 5,2 ميلليون ادامعا ارتۋى مۇمكىن

بۇل تۋرالى كەشە ماجىلىستە «ق ر كەيبىر زاڭنامالىق اكتىلەرىنە حالىقتىڭ كوشى- قونى جانە جۇمىسپەن قامتىلۋى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تانىستىرىلىمى بارىسىندا ءمالىم بولدى.

«جىل سايىن ەلىمىزدىڭ ىشكى كوشى- قونىنا 337 مىڭ ادام قاتىسىپ وتىر. ونىڭ ىشىندە 146 مىڭ ادام وبلىستار اراسىنداعى كوشى- قوندى قۇراسا، 191 مىڭى ءبىر وبلىستىڭ ىشىندەگى كوشكە ۇلاسادى»، - دەدى زاڭ جوباسىن تانىستىرعان دەنساۋلىق ساقتاۋ جانە الەۋمەتتىك دامۋ ۆيتسە- ءمينيسترى داۋلەت ارعىندىقوۆ. ونىڭ ايتۋىنشا، ىشكى كوشى- قوننىڭ بۇگىنگى تاڭداعى باستى پروبلەماسى - حالىقتىڭ شوعىرلانۋىنداعى ايتارلىقتاي تەڭسىزدىگى مەن ەل اۋماعى بويىنشا جۇرتشىلىقتىڭ ورنالاسۋ تەڭسىزدىگىندە جاتىر.

«بۇل اسىرەسە ەلىمىزدىڭ وڭتۇستىك جانە سولتۇستىك وڭىرلەرىندە ايقىن كورىنىپ وتىر. ساراپتامالىق بولجامدارعا سۇيەنسەك، بۇگىنگى ۇدەرىس ساقتالسا 2050  - جىلعا قاراي ەلىمىزدىڭ سولتۇستىگىندەگى حالىق سانى 1 ميلليون ادامعا كەمۋى ىقتيمال. كەرىسىنشە، وڭتۇستىك وڭىردەگى حالىق سانى 5,2 ميلليون ادامعا ءوسۋى بولجانادى. ياعني، وڭتۇستىك وڭىرلەردەگى حالىق سانىنىڭ تىعىزدىعى سولتۇستىكتەگى حالىق سانىنان 4 ەسەگە ارتىپ تۇسەدى» ، - دەيدى ۆيسە- مينيستر.

ونىڭ ايتۋىنشا، ىشكى كوشى- قون سالاسىنداعى پروبلەمالاردى وڭتايلى شەشۋدىڭ ەكى باعىتى ۇسىنىلىپ وتىر. ونىڭ ءبىرىنشىسى - اۋىلدان قالاعا قاراي قونىستاندىرۋ، بۇل باعىت قازاقستاندا تابيعي ۇدەرىسپەن قالىپتى دەڭگەيدە ءجۇرىپ جاتىر. ەكىنشى باعىت - جۇمىس كۇشى ارتىق ايماقتاردان حالىقتى ۇكىمەتپەن ايقىندالعان وڭىرلەرگە كوشىرۋ. «بۇل جاعدايدا قاجەتتى شارتتار قۇرىلىپ، كوشى- قون ءۇشىن حالىقتى ىنتالاندىرۋ تەتىكتەرى ۇسىنىلادى»، - دەدى د. ارعىندىقوۆ.  

 اۆتور:   قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى