پاۆلودار وبلىسىندا 1-4-سىنىپتارعا تەگىن ىستىق تاماق بەرىلەدى
وبلىس اكىمدىگىنىڭ باسپا ءسوز قىزمەتىنىڭ مالىمدەۋىنشە، مەكتەپتەردىڭ قامقورشىلىق كەڭەستەرىمەن كەزدەسۋدە ءوڭىر باسشىسى بولات باقاۋوۆ ايتقان.
اكىم الدىمەن Instagram پاراقشاسىنا جازىپ، اتا-انالاردان وزەكتى ماسەلەلەردى قوزعاۋىن سۇراعان. وتىرىستى دا اتا- انالاردان كەلىپ تۇسكەن ارىز-شاعىمداردان باستاعان.
«ماعان 350 دەن استام ۇسىنىس كەلدى. سونىڭ كوبى پارتالاردى، كابينەت تەرەزەلەرىن جاڭالاۋ، ىستەمەي تۇرعان مەكتەپ باسسەيندەرىن قالپىنا كەلتىرۋ، جالپى ءبىلىم مەكەمەلەرىن اباتتاندىرۋ ماسەلەلەرىنە قاتىستى»، - دەدى وبلىس اكىمى.
ايتىلعان وزەكتى ماسەلەلەردىڭ تاعى ءبىرى - مەكتەپتەگى تاماقتىڭ ساپاسىنا قاتىستى بولدى. ءوڭىر باسشىسى دا مەكتەپ اسحانالارىنىڭ بىرىندە تاماقتانعان ەكەن.
«ءبىز قانشا قارسى بولساق تا، مەكتەپ اسحاناسىندا شوكولاد ساتىلىپ جاتىر»، - دەدى ب. باقاۋوۆ.
ودان ءارى ءوڭىر باسشىسى جۋىردا بۇكىل وبلىستا 1-4 -سىنىپ وقۋشىلارى تەگىن ىستىق تاماقپەن قامتىلاتىنىن جەتكىزىپ، اتا-انالاردان تاماقتىڭ ساپاسىن قاداعالاۋدى سۇرادى. بيۋدجەتكە جەرگىلىكتى ينۆەستورلار مەن مەسەناتتار كومەكتەسەدى.
بۇدان بولەك، وبلىس اكىمى مەكتەپ ماڭىن بوتەن ماشينالارمەن تولتىرۋعا تىيىم سالىناتىنىن ايتتى.
وتىرىستا قوزعالعان ماسەلەلەردىڭ تاعى ءبىرى - 15 جاستاعى وقۋشىلاردىڭ قوعامدىق كولىكتە جۇرۋىنە بەرىلەتىن جەڭىلدىك. قازىر وبلىستا قيسىنسىز جايت قالىپتاسقان: كوللەدجدەردىڭ 1-2 -كۋرستارى قوعامدىق كولىكتە جولاقىنىڭ جارتىسىن تولەيدى، ال ولاردىڭ مەكتەپتە وقيتىن قۇرداستارىنا مۇنداي جەڭىلدىك جوق.
بولات باقاۋوۆ وسى ماسەلەگە دە توقتالۋعا ۋادە بەردى.
