قىتايدا تايفۋن سالدارىنان 1,3 ميلليون ادام ەۆاكۋاتسيالاندى

14- قىركۇيەك كۇنى جىجياڭ پروۆينتسياسىنىڭ 1,3 ميلليوننان استام تۇرعىنى وسى شىعىس پروۆينتسيانىڭ جاعالاۋ ايماعىنا سوققان «مۋيفا» تايفۋنى سالدارىنان ەۆاكۋاتسيالاندى. سونىمەن قاتار 11,8 مىڭنان استام بالىق اۋلاۋ كەمەلەرى پورتقا ورالدى. جىجياڭ بيلىگى سارسەنبىدە تايفۋن مەن سۋ تاسقىنىنا قارسى شارالاردىڭ ەڭ جوعارى دەڭگەيىن جاريالادى.

تايفۋننىڭ ورتالىق بولىگىندەگى جەلدىڭ جىلدامدىعى جىجياڭنىڭ جاعالاۋ اۋداندارىنا سوققان كەزدە ساعاتىنا 150 ك م- گە دەيىن جەتتى. زارداپ شەككەندەر مەن قيراۋلار تۋرالى اقپارات تۇسكەن جوق. سارسەنبى كۇنى كەشكە «مۋيفا» تايفۋنى قىتايدىڭ شاڭحاي مەگاپوليسىنە جەتتى. بيلىك بارلىق رەيستەردى قابىلداۋدى جانە جىبەرۋدى توقتاتۋ تۋرالى شەشىم قابىلدادى. شاڭحاي مەتروپوليتەنىنىڭ ءبىرقاتار بولىمشەسىنىڭ جۇمىسى توقتاتىلدى.

سينوپتيكتەردىڭ بولجامىنا سايكەس، بەيسەنبى كۇنى تايفۋن شاندۋڭ جانە جياڭسۋ پروۆينتسيالارى ارقىلى ەلدىڭ سولتۇستىگىنە ءوتىپ، بىرتىندەپ كۇشىن جوعالتادى.

فوتو: GlobalLookPress

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى