ا ق ش- تا لوتەرەيا جەڭىمپازى 1,3 ميلليارد دوللار ۇتىسىن ءالى العان جوق

ول بيلەتتى يللينويس شتاتىنىڭ دەس- پلەينس قالاسىنداعى Speedway جانارماي قۇيۋ ستانتسياسىنان ساتىپ العان.

بۇل – ا ق ش لوتەرەياسىنىڭ تاريحىندا كولەمى جاعىنان ءۇشىنشى ۇلكەن جەكە تابىس جانە Mega Millions-تىڭ كولەمى جاعىنان ەكىنشى جۇلدە.

لوتەرەيانىڭ يللينويستاعى ديرەكتورى گارولد مايس: «جەڭىمپازدىڭ جۇلدەلى بولعانىنان حابارى بار ما، جوق پا، بىلمەيمىز» دەپ، بۇكىل قاتىسۋشىلاردىڭ ءوز بيلەتىن تەكسەرىپ شىعۋىن ءوتىندى.

لوتەرەيا ەرەجەسىنە سايكەس، Mega Millions جەڭىمپازدارى جۇلدەسىن ۇتىس ويىنىنان كەيىن ءبىر جىل كولەمىندە الۋىنا بولادى.

سونداي- اق، اقشانى الۋ مەحانيزمىن (ءبىرجولعى نەمەسە جىل سايىنعى تولەم) تاڭداۋعا 60 كۇن بار.

ەگەر جەڭىمپاز جۇلدەسىن الماسا، وندا وسى لوتەرەياعا قاتىساتىن ءار شتاتقا بايقاۋ ەرەجەلەرىنە سايكەس اقشانىڭ ءبىر بولىگى قايتارىلادى.

قۇمار ويىنعا 45 شتات، سونىمەن قاتار كولۋمبيا ايماعى مەن ا ق ش- تىڭ ۆيرگين ارالدارى قاتىسىپ وتىر.

بەلگىسىز جەڭىمپاز - Mega Millions-تا ولجالى بولعان جالعىز ادام ەمەس.

يللينويس قالاسىنداعى بولشەك ساۋداگەرلەر 3,75 ميلليون دوللار كولەمىندە كوميسسيا تولەمى مەن بيلەتتى ساتۋدان بونۋس العان.

ال «باقىتتى» بيلەتتى ساتقان Speedway جانارماي قۇيۋ ستانتسياسى 500 مىڭ دوللار كولەمىندە بونۋس الادى.

Mega Millions-تا 1,5 ميلليارد دوللار بولعان ەڭ ۇلكەن دجەكپوتتى 2018 -جىلى وڭتۇستىك كارولينا تۇرعىنى جەڭىپ الدى.

كەلەسى ەڭ ءىرى ۇتىس 2021 -جىلى 1 ميلليارد دوللار كولەمىندە بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى