استانادا 1-سىنىپقا بارۋشىلاردىڭ كوپتىگىنەن 3 جاڭا مەكتەپ سالىنعالى جاتىر

«بيىلعى وقۋ جىلىندا استانادا ءبىرىنشى سىنىپقا باراتىن وقۋشىلاردىڭ سانى رەكوردتىق كورسەتكىشكە جەتتى - 17 مىڭ ءبۇلدىرشىن. ونىڭ 9 مىڭى ءبىزدىڭ اۋدانعا تيەسىلى. قالا اۋماعىمەن العاندا، بۇل جالپى كورسەتكىشتىڭ جارتىسىنان كوپ. ستاتيستيكانى ەسكەرە وتىرىپ، استانا اكىمى اسەت يسەكەشيەۆ ءبىزدىڭ اۋداندا 4 مەكتەپ سالۋ تۋرالى تاپسىرما بەردى. ونىڭ بىرەۋى وسى كۇننىڭ وزىندە پايدالانۋعا بەرىلىپ قويعان»، - دەپ جازدى فەيسبۋكتەگى پاراقشاسىندا ارمان تۇرلىبەك.

ونىڭ ايتۋىنشا، اۋدانداعى قارتالى جانە وقجەتپەس، اباي مەن كۇمىسبەكوۆ، وقجەتپەس پەن بوكەيەۆ كوشەلەرىنىڭ قيىلىسىندا ءارقايسىسى 1200 ورىندىق 3 مەكتەپ سالىنادى. جاڭا مەكتەپتەردى پايدالانۋعا بەرۋ 2018 -جىلعا جوسپارلانعان.

«كوكتالدا ءبىز 375 ورىندىق كوررەكسيالىق مەكتەپ- ينتەرناتتى پايدالانۋعا بەردىك. قازىر جالپى «سارى ارقا» اۋدانىندا 34 مەكتەپ بار. قالا بويىنشا 95 مەكتەپ بار»، - دەپ جازدى اكىم.

ەسكە سالا كەتەيىك، 20 - اقپان كۇنى حالىقپەن ەسەپتىك كەزدەسۋ بارىسىندا استانا اكىمىنىڭ ورىنباسارى ەرمەك امانشايەۆ قالادا ءبىلىم الۋشىلار ورنىنىڭ تاپشىلىعى ماسەلەسى شەشىلگەلى جاتقانىن ايتقان ەدى.

اۋدارما: ەربول جانات

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى