مەملەكەتتىك بيۋدجەتكە 1 تريلليون 381 ميلليارد تەڭگە ءتۇسىم ارتىق ءتۇستى

بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر ق م مەملەكەتتىك كىرىستەر كوميتەتىنىڭ ءتوراعاسى مارات سۇلتانعازيەۆ ايتتى، دەپ حابارلايدى قازاقپارات ءتىلشىسى.

«2019 -جىلى مەملەكەتتىك بيۋدجەت جوسپارى 100,8 پايىزعا ورىندالىپ، وتكەن جىلمەن سالىستىرعاندا 1 تريلليون 381 ميلليارد تەڭگە نەمەسە 17,4 پايىز ارتىق ءتۇسىم تۇسكەن. رەسپۋبليكالىق بيۋدجەت 100,3 جانە جەرگىلىكتى بيۋدجەتتەر 102 پايىزعا ورىندالدى»، - دەدى كوميتەت باسشىسى.

ونىڭ دەرەگىنشە، شوعىرلاندىرىلعان بيۋدجەتكە شيكىزاتتىق سەكتوردان تۇسىمدەر – 7، شيكىزاتتىق ەمەس سەكتوردان تۇسىمدەر - 10 پايىزعا ءوستى. سونىمەن قاتار، قوسىمشا رەزەرۆتەر 916 ميلليارد تەڭگەنى قۇرادى. ونىڭ ىشىندە سالىقتىق جانە كەدەندىك اكىمشىلەندىرۋدى جەتىلدىرۋ - 392 ميلليارد تەڭگە، سيفرلاندىرۋ بويىنشا شارالار 524 ميلليارد تەڭگە قوسىمشا ءتۇسىم الىپ كەلدى.

«تاۋ- كەن ءوندىرىسىن قوسپاعاندا ەكونوميكانىڭ بارلىق باسقا سەكتورلارىندا سالىق تۇسىمدەرىنىڭ ءوسىمى بايقالادى. اتالعان سەكتورداعى ءتۇسىمنىڭ تومەندەۋى مۇنايدىڭ - 10 پايىزعا، مەتالداردىڭ ورتا ەسەپپەن - 13 پايىزعا تومەندەۋى سەبەپ بولدى»، - دەدى مارات سۇلتانعازيەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى