قازاقستان-قىتاي شەكاراسىنداعى اۆتوموبيل پۋنكتەرى 1-2- قاڭتاردا جابىق بولادى
«مەملەكەتتىك كىرىستەر كوميتەتى قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى وتكىزۋ پۋنكتەرى تۋرالى كەلىسىمگە سايكەس، مەرەكە كۇندەرىنە بايلانىستى 2023-جىلعى 1, 2- قاڭتاردا قازاقستان-قىتاي شەكاراسىنداعى اۆتوموبيل وتكىزۋ پۋنكتەرىندە تۇلعالاردى، كولىك قۇرالدارى مەن جۇكتەردى وتكىزۋ جۇزەگە اسىرىلمايتىنىن حابارلايدى.
قازاقستان-قىتاي شەكاراسىنداعى تەمىرجول وتكىزۋ پۋنكتەرى شتاتتىق رەجيمدە جۇمىسىن جالعاستىرادى.
تاسىمالداۋشىلاردى جانە بارلىق شەكارانى كەسىپ وتۋگە نيەت بىلدىرۋشىلەردى ەنگىزىلگەن شەكتەۋلەردى ەسكەرە وتىرىپ، ءوز باعىتتارىن الدىن الا جوسپارلاۋدى سۇرايمىز»، - دەلىنگەن رەسمي حابارلامادا.
