قازاقستاندا 1,2 ميلليون تەڭگە كولەمىندە جالعان اقشا انىقتالدى

«قازاقستاندا 2020-جىلدىڭ 7 ايىندا جالپى سوماسى 1,2 ميلليون تەڭگە بولاتىن 381 جالعان بانكنوت انىقتالدى. ءبىراق وسى كەزەڭدە جالعان مونەتالاردى شىعارۋ فاكتىلەرى تىركەلمەدى» - دەدى ۇلتتىق بانكتىڭ قولما-قول اقشا اينالىمى دەپارتامەنتىنىڭ بانكنوتتاردى جانە مونەتالاردى ساراپتاۋ باسقارماسىنىڭ باسشىسى اسحات ابىشيەۆ.

ونىڭ ايتۋىنشا، جالعان اقشا بەلگىلەرىنىڭ سانى 2019-جىلدىڭ وسى كەزەڭىمەن سالىستىرعاندا 46,9 پايىزعا تومەندەگەن (وتكەن جىلى 718 جالعان بانكنوت جانە 6 مونەتا انىقتالعان).

جالعان بانكنوتتاردىڭ باسىم بولىگى الماتىدا انىقتالعان - 243 جالعان بانكنوتى (63,78 پايىز). 2020-جىلى قازاقستاندا كوبىنەسە نومينالى 2 مىڭ (41,47 پايىز) جانە 5 مىڭ تەڭگەلىك (31,5 پايىز) بانكنوتالار قولدان جاسالعان.

ايتا كەتەيىك، ەلىمىزدە جالعان بانكنوتتاردى شىعارۋ جانە ساتۋمەن اينالىسقاندار 5 جىلدان 12 جىلعا دەيىنگى مەرزىمگە سوتتالادى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى