مينيستر: 1,2 ميلليون ادام جۇمىسپەن قامتۋ شارالارىنا تارتىلادى
بۇل تۋرالى بۇگىن ۇكىمەت وتىرىسىندا ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى.
ءمينيستردىڭ ايتۋىنشا، بارلىق وڭىردە 2020-2021 -جىلدارعا ارنالعان جۇمىسپەن قامتۋدىڭ جول كارتاسى، ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان «ەڭبەك» مەملەكەتتىك باعدارلاماسى، باسقا دا مەملەكەتتىك جانە ۇكىمەتتىك باعدارلامالاردى ىسكە اسىرۋدى قامتيتىن كەشەندى جوسپارلار بەكىتىلگەن.
«بارلىق ىسكە اسىرىلىپ جاتقان باعدارلامالاردىڭ الەۋەتىن ەسكەرە وتىرىپ، 2020 -جىلى جۇمىسپەن قامتۋدى ىنتالاندىرۋ شارالارىنا 1 ميلليون 220 مىڭ ادامدى تارتۋ مۇمكىندىگى بار. سونىڭ ىشىندە 855 مىڭ ادام ج ق ج ك جانە «ەڭبەك» مەملەكەتتىك باعدارلاماسى بويىنشا نازارعا الىنسا، باسقا دا مەملەكەتتىك باعدارلامالار بويىنشا جەرگىلىكتى جانە ورتالىق اتقارۋشى ورگاندار قوسىمشا 364 مىڭ ادامدى قوسىمشا قامتۋدى جوسپارلاپ وتىر»، - دەدى ءبىرجان نۇرىمبەتوۆ.
