حوندا اۆتوكولىك كونسەرنى 1،2 ميلليون كولىگىن قايتا جوندەيدى
امەريكالىق جۇرگىزۋشىلەردەن تۇسكەن شاعىمداردان كەيىن كومپانيا باسشىلىعى وسىنداي شەشىمگە كەلىپ وتىر. بۇل تۋرالى CNN مالىمدەدى. رەسمي اقپاراتقا وراي، 2013-2016 -جىلدار ارالىعىندا ا ق ش نارىعىنا ارنالىپ قۇراستىرىلعان Accord سەدانىندا اقاۋ تابىلعان. گيبريدتى كولىكتىڭ ەلەكتر ەنەرگياسىن جيناقتايتىن باتارەياسى سەنسورلارى موتوردىڭ ىشكى جانۋ پروتسەسىنە كەدەرگى كەلتىرەدى. ناتيجەسىندە موتوردىڭ جانىپ كەتۋ قاۋپى بار. Honda كومپانياسىنىڭ ا ق ش- تاعى كليەنتتەرىنە جۇرگىزىلگەن ساۋالناماعا وراي، اتالعان اقاۋلىق كەسىرىنەن زارداپ شەككەندەر جوق. كولىكتەردى مونيتورينگتەۋ ۇدەرىسى وسى ايدىڭ سوڭىنا دەيىن جۇرگىزىلىپ، تولىعىمەن جوندەۋ شارالارى ىسكە اسىرىلادى.
