قازاقستاننىڭ ەۋروپامەن جانە ق ح ر- مەن تاۋار اينالىمى 1,2 تريلليون دوللارعا جەتەدى

 بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «KTZ Express» ا ق پرەزيدەنتى سانجار ەلۋبايەۆ ءمالىم ەتتى.

«تاۋار اينالىمىنىڭ قۇرىلىمىنا قارايتىن بولساق، 2020 - جىلعا قاراي تاۋار اينالىمىنىڭ وتە اۋقىمدى ءوسىمى بولجانىپ وتىر. بۇل تۇرعىدا ءبىرىنشى كەزەكتە ترانس قازاقستاندىق ترانزيتتىڭ نەگىزگى درايۆەرلەرى ەۋروپا مەن ق ح ر اراسىندا ارتپاق. ياعني، تاۋار اينالىمى 1,2 تريلليون دوللارعا جەتپەك»، - دەدى س. ەلۋبايەۆ.

ايتا كەتەيىك، جۇك اعىنىن ارتتىرۋ ماقساتىندا بيىل ءبىرقاتار جوبالار ىسكە قوسىلادى. ماسەلەن، استانا مەن شىمكەنت قالالارىنداعى «ا» ساناتىنداعى كولىك- لوگيستيكالىق ورتالىقتار پايدالانۋعا بەرۋگە دايىن. «قورعاس- شىعىس قاقپاسى» ا ە ا ينفراقۇرىلىمدىق نىساندارى ءوز جۇمىسىن باستاۋدا. سونىمەن قاتار اقتاۋ تەڭىز ساۋدا پورتىن كەڭەيتۋ جوباسى اياقتالۋعا جاقىندادى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى