قازاقستاندا 1- قىركۇيەكتە 270 مىڭنان استام بالا مەكتەپ تابالدىرىعىن العاش اتتايدى

«الدىن الا مالىمەتتەر بويىنشا 2014-2015 وقۋ جىلىندا كۇندىزگى جالپى ءبىلىم بەرەتىن مەكتەپتەردەگى وقۋشىلار 2 ميلليون 498 مىڭ 819 دى قۇرادى. ونىڭ ىشىندە 277 مىڭ 575 ءى ءبىرىنشى سىنىپ وقۋشىلارى»، - دەلىنگەن ۆەدومستۆو مالىمەتىندە.

مينيسترلىكتىڭ حابارلاۋىنشا، مەكتەپ فورماسىن كيەتىن وقۋشىلاردىڭ سانى ارتىپ كەلەدى. ماسەلەن، 2012-2013 وقۋ جىلىندا اتالعان كيىم ۇلگىسىن 4,5 مىڭ مەكتەپتە 1,6 ميلليون بالا (61 پايىزى) كيسە، 2013-2014 وقۋ جىلىندا 5,4 مىڭ مەكتەپتە ولاردىڭ سانى 1,8 ميلليونعا (72 پايىزى) جەتتى.

وقۋلىقتارمەن قامتاماسىز ەتۋ ماسەلەسىنە توقتالساق، مينيسترلىك بەكىتكەن ءتىزىم نەگىزىندە مەكتەپ كىتاپتارىن 20 قازاقستاندىق باسپا شىعارادى. «اتاپ ايتقاندا، تاپسىرىسقا سايكەس باسىلىپ شىعارىلاتىن وقۋلىقتاردىڭ قۇنى بەكىتىلگەن باعامەن ساتىلادى، ياعني ولار 300-700 تەڭگە ارالىعىندا بولادى»، - دەپ ءتۇسىندىردى مينيسترلىك وكىلدەرى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى