1,1 ميلليارد تەڭگەنى جىمقىرعانى ءۇشىن مەملەكەتارالىق ىزدەۋ جاريالانعان كۇدىكتى ۇستالدى

بۇل جايىندا قارجىلىق مونيتورينگى اگەنتتىگىنىڭ باسپا ءسوز قىزمەتى ءمالىم ەتتى.

انۋاربەك بولات ۇلى جەكسەنعاليەۆتى الماتى قالالىق ەكونوميكالىق تەرگەۋ دەپارتامەنتىنىڭ قىزمەتكەرلەرى ۇستاعان.

ەسكە سالا كەتەيىك، ءا. جەكسەنعاليەۆكە 1,1 ميلليارد تەڭگە بيۋدجەت قاراجاتىن جىمقىردى دەگەن ايىپ تاعىلعان. وسىدان ءبىر اي بۇرىن وعان مەملەكەتارالىق ىزدەۋ جاريالانعان بولاتىن.

«قارجىلىق مونيتورينگ اگەنتتىگى كاسىپكەر جەكسەنعاليەۆ انۋاربەك بولات ۇلى جانە مەدەتبەكوۆ ەركىن قالقاباي ۇلىنا ىزدەۋ جاريالادى. ولار 1,1 ميلليارد تەڭگە سوماسىندا بيۋدجەت قاراجاتىن جىمقىردى دەگەن كۇدىككە ءىلىندى. كۇدىكتىلەر بيۋدجەت قاراجاتىن جىمقىرۋدى الدىن الا ءسوز بايلاسۋ ارقىلى توپ بولىپ ۇيىمداستىرعان» دەلىنگەن حابارلامادا.

سونداي-اق، اگەنتتىك ىزدەۋ سالىنعان ازاماتتارعا قاتىستى اقپارات ءۇشىن اقشالاي سىياقى قاراستىرىلعانىن جەتكىزدى.

اۆتور: جانات قاپالبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى