كوروناۆيرۋس جۇقتىرعان 1,1 مىڭ مەدقىزمەتكەرگە 2 ميلليون تەڭگەدەن تولەندى

COVID-19-بەن كۇرەسۋگە تارتىلىپ، كوروناۆيرۋس ينفەكسياسىن نەمەسە ۆيرۋستىق پنيەۆمونيانى جۇقتىرعان 1111 مەديتسينا قىزمەتكەرى مەملەكەتتىك الەۋمەتتىك ساقتاندىرۋ قورىنان ءبىرجولعى الەۋمەتتىك تولەمدى الدى. سونداي-اق، م ءا س ق اۋرۋدىڭ سالدارىنان قايتىس بولعان 8 مەديتسينا قىزمەتكەرىنىڭ تۋىستارىنا تولەم اۋداردى.

ءوتىنىم جيناقتاۋدى ق ر دەنساۋلىق ساقتاۋ مينيسترلىگى جۇزەگە اسىرادى، ودان كەيىن ءوتىنىم ەلەكتروندىق ءىس ماكەتتەرىن قالىپتاستىرۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسىنا بەرىلەدى، كەيىن تولەم تاعايىنداۋ ءۇشىن قورعا جىبەرىلەدى.

1-قىركۇيەك ساعات 9.00-دەگى جاعداي بويىنشا COVID-19 نەمەسە ۆيرۋستىق پنيەۆمونيا جۇقتىرعان 1111 مەديتسينا قىزمەتكەرىنىڭ ءوتىنىشى بويىنشا جانە اۋرۋدىڭ سالدارىنان قايتىس بولعان 8 مەديتسينا قىزمەتكەرىنىڭ ءوتىنىش بويىنشا اقشالاي قاراجات تاعايىندالىپ، تولەنگەن.

وڭىرلەر بولىنىسىندە مەديتسينا قىزمەتكەرلەرىنە COVID-19 نەمەسە ۆيرۋستىق پنيەۆمونيانى جۇقتىرۋ جاعدايىنا تولەمدەردىڭ ەڭ كوپ سانى نۇر-سۇلتان (176) جانە الماتى قالالارىنان (128) ، الماتى (96) ، اقمولا (88) جانە اتىراۋ وبلىستارىنان (79) جۇرگىزىلدى.

ەستەرىڭىزگە سالا كەتەيىك، جوعارىدا كورسەتىلگەن تولەم:

- كوروناۆيرۋس نەمەسە ۆيرۋستىق پنيەۆمونيا جۇقتىرعان مەديتسينا قىزمەتكەرلەرىنە - 2 ميلليون تەڭگە؛

- COVID-19 كوروناۆيرۋس ينفەكتسياسىن جۇقتىرعاننان، ۆيرۋستىق پنيەۆمونيامەن اۋىرىپ قايتىس بولعان جاعدايدا ولاردىڭ وتباسىنا - 10 ميلليون تەڭگە كولەمىندە تولەنەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى