تاجىكستاننىڭ قىتايعا قارىزى ەلدىڭ ءى ج و-ءنىڭ 0,15 پايىزىن قۇرايدى
ونىڭ ايتۋىنشا، تاجىكىستان ۇكىمەتىنىڭ 2015-جىلعى 1- قاڭتارداعى دەرەكتەرى بويىنشا، مەملەكەت قارىزى 1 ميلليارد 865 ميلليون دوللار نەمەسە ءى ج و-ءنىڭ 20,2 پايىزىن قۇرايدى. قىتايدان العان نەسيە قارىزى ىشكى جالپى ءونىمنىڭ 0,15 پايىزىن قۇرايدى.
«قىتاي ۇكىمەتىنە تاجىكستانعا وتەۋسىز كومەك كورسەتكەنى ءۇشىن العىس بىلدىرەمىز جانە بۇل قاراجات ينفراقۇرىلىمدار مەن الەۋمەتتىك نىساندار قۇرىلىسىنا باعىتتالعان»، - دەپ اتاپ ءوتتى ول.
ول قىتاي كاپيتالى مەن كاسىپورىندارى تاجىكستان پرەزيدەنتى ەمومالي راحمون ايقىنداعان ءۇش ستراتەگيالىق ماقساتقا قول جەتكىزۋ بويىنشا اۋقىمدى جۇمىسقا بەلسەندى قاتىسىپ جاتقانىن اتاپ ءوتتى. وعان كوممۋنيكاتسيالىق تۇيىقتان شىعۋ، ەنەرگەتيكالىق تاۋەلسىزدىك، ازىق-تۇلىك قاۋىپسىزدىگى جاتادى.
«تاجىكستاندىق ارىپتەستەرمەن بىرلەسىپ قىتاي كومپانيالارى ينفراقۇرىلىمدىق نىساندار، جولدار مەن كوپىرلەر سالۋعا قاتىسادى، ماقتا، استىق، جۇگەرىدەن جوعارى ءونىم الۋ ءۇشىن تاجىريبەلەرىمەن، جاڭا تەحنولوگيالارىمەن ءبولىسىپ جاتىر»، - دەپ تۇيىندەدى ول.
