ەڭ تومەنگى جالاقى 200 مىڭ تەڭگە شاماسىندا بولۋى ءتيىس - دەپۋتات
ەڭ تومەنگى جالاقى مولشەرى 200 مىڭ تەڭگە شاماسىندا بولۋى كەرەك. بۇل تۋرالى ءماجىلىستىڭ جالپى وتىرىسىندا ءۇش جىلعا ارنالعان رەسپۋبليكالىق بيۋجەتتى تالقىلاۋ كەزىندە دەپۋتات اسحات راقىمجانوۆ ايتتى، دەپ حابارلايدى Kazinform.
«ج س د پ فراكسياسى 2024-جىلعا ارنالعان ەڭ تومەنگى جالاقى مەن كۇنكورىس مينيمۋمىنىڭ دەڭگەيىمەن كەلىسپەيدى. سونىمەن قاتار، جالپىۇلتتىق سوتسيال-دەموكراتيالىق پارتياسى اي سايىن الەۋمەتتىك ماڭىزداعى ازىق-تۇلىك ونىمدەرىنە ءتيىستى مونيتورينگ جاساپ كەلەدى. ءبىزدىڭ ەسەپتەۋلەر بويىنشا ورتاشا العاندا ءبىر قازاقستاندىق بارلىق تابىسىنىڭ 55 پايىزىن ازىق-تۇلىككە جۇمسايدى»، - دەدى ا. راقىمجانوۆ.
ونىڭ پايىمىنشا، ەڭ تومەنگى جالاقىنى بىرنەشە ەسە كوتەرۋ كەرەك.
«بىزدىڭشە، قازاقستاندا ەڭ تومەنگى جالاقى 200 مىڭ تەڭگە شاماسىندا بولۋى ءتيىس»، - دەدى دەپۋتات.
ايتا كەتەيىك، 2024-جىلعى 1- قاڭتاردان باستاپ ەڭ تومەنگى جالاقى مولشەرى (بۇدان ءارى - ە ت ج) 70 مىڭ تەڭگەدەن 85 مىڭ تەڭگەگە دەيىن ۇلعايتىلادى.
بۇدان بۇرىن حابارلانعانداي، بۇگىن پارلامەنت ءماجىلىسىنىڭ جالپى وتىرىسىندا «2024-2026-جىلدارعا ارنالعان رەسپۋبليكالىق بيۋجەت تۋرالى» زاڭى قابىلدادى.
