ەڭ قىمبات جانە ەڭ ارزان سوعىم قاي وڭىردە - ساراپتاما

استانا

جاباعى - 180-230 مىڭ تەڭگە، تاي - 350 مىڭ تەڭگە، قۇنان - 450-470 مىڭ تەڭگە، دونەن - 550 مىڭ تەڭگە، تۋ بيە 570-650 مىڭ تەڭگە.

تايىنشالار - 250-300 مىڭ تەڭگە، سەمىز تۋ سيىر - 500 مىڭ تەڭگەگە دەيىن.

قوي - 35-60 مىڭ تەڭگە ارالىعىندا.

ەت باعاسى:

جىلقى ەتى - 233-2400 تەڭگە

سيىر ەتى - 2000-2300 تەڭگە

قوي ەتى - 2500-3000 تەڭگە.

الماتى

جىلقى - 280-550 مىڭ تەڭگە

سيىر - 260-350 مىڭ تەڭگە

قوي - 30-50 مىڭ تەڭگە

ال ەت باعاسى:

جىلقى ەتى - 2400-2800 تەڭگە

سيىر ەتى - 2300-2400 تەڭگە

قوي ەتى - 2200-2500 تەڭگە

شىمكەنت

جىلقى - 320-570 مىڭ تەڭگە

ءىرى قارا - 200-400 مىڭ تەڭگە

قوي - 35-70 مىڭ تەڭگە.

ال ەت باعاسى:

جىلقى ەتى - 2250-2550 تەڭگە

سيىر ەتى - 2200-2500 تەڭگە

قوي ەتى - 2000-2300 تەڭگە.

اباي وبلىسى

كوكتەمدە تۋعان بۇزاۋلار - 150-170 مىڭ تەڭگە. ءبىر جاسار تايىنشالار - 18-200 مىڭ تەڭگە، 1,5 جاسار قۇناجىندار - 250 مىڭ تەڭگە، 2 جاستان جوعارى سويىسقا جارامدى سيىر - 270-300 مىڭ تەڭگەدەن باستالادى.

جاباعى - 230-250 مىڭ تەڭگە، تاي - 300 مىڭ، بايتالدار - 450 مىڭ تەڭگە، دونەن، بەستىلەر - 500-600 مىڭ تەڭگەدەن باستالادى.

قوي - 30-60 مىڭ.

ال ەت باعاسى:

جىلقى ەتى - 2100-2500 تەڭگە

سيىر ەتى - 1800-2100 تەڭگە

قوي ەتى - 1900-2100 تەڭگە.

اقمولا وبلىسىندا بارماق قازى بەرەتىن تاي باعاسى 350 مىڭ تەڭگەدەن باستاپ 450 مىڭ تەڭگەگە دەيىن بارادى. ال ارىقتاۋ تايدى 1-2-اي قولدا سەمىرتىپ بارىپ سويۋعا مۇمكىندىگى بارلار جايلاۋدان تۇسكەن قىلقۇيرىقتى 270-290 مىڭعا دا تابا الادى. قۇنان- بايتالداردىڭ باعاسى 550-620 مىڭ تەڭگە اراسىندا. كەبەجە قارىن تۋ بيە، بەلدى، جايالى بەستىلەر 600-800 مىڭ تەڭگەنىڭ شاماسىندا.

تىرىدەي ءبىر جىلدىق تايىنشانى 260 مىڭ تەڭگەگە، ال سيىردى 330-450 مىڭ تەڭگەگە ساتىپ الۋعا بولادى. سيىر ەتىنىڭ ءبىر كەلىسى كوكشەتاۋ بازارلارىندا 2200-2900 تەڭگەدەن تۇر. سۇيەكسىز تازا ەتى 3600 تەڭگەدەن ساتىلىپ جاتىر.

قويدى 35-65 مىڭ تەڭگەگە تابۋعا بولادى. نەگىزى باعاسى ورتاشا 60-80 مىڭ تەڭگە شاماسىندا. كۇيسىزدەۋ، كىشىرەك توقتىلاردى 50 مىڭ تەڭگەگە ساتىپ جاتقاندار بار. جەمدە تۇرعان ءىرى قويدىڭ باعاسى 100 مىڭ تەڭگەگە جەتىپ قالادى.

اقتوبە وبلىسىندا سوعىمعا تۋ بيەنى 500-600 مىڭ تەڭگەگە الۋعا بولادى. جالپى، جىلقىنىڭ ورتاشا باعاسى - 450-600 مىڭ تەڭگە اراسىندا. ال جاباعى 180-220 مىڭ تەڭگەدەن باعالانىپ وتىر. ءىرى قارانىڭ ورتاشا باعاسى 280-350 مىڭ تەڭگە شاماسىندا.

ەت باعاسى ءارتۇرلى:

جىلقى ەتىنىڭ ءبىر كەلىسىنە 2400-2500 تەڭگە تولەيسىز. جاباعى ەتىن 2100-2200 تەڭگەدەن تابۋعا بولادى.

بازاردا سەمىز جىلقى ەتىنىڭ كەلىسى 2800-3500 تەڭگەگە دەيىن بارادى. سيىر ەتىنىڭ كەلىسى - 2200-2300 تەڭگە. قوي ەتىنىڭ باعاسى دا كەلىسىنە - 2200-2300 تەڭگە.

اتىراۋدا جىلقى ەتىنىڭ ءبىر كەلىسى 2600، سيىر ەتى 2500، قوي ەتى 2300 تەڭگەدەن باستالادى.

جاباعىعا 220-280  مىڭ تەڭگە ارالىعىندا سۇرايدى.

بايتال باعاسى - 400-470 مىڭ تەڭگە ارالىعىندا،

ۇلكەن بيەنىڭ باعاسى 500 مىڭ تەڭگەدەن جوعارى.

قوي باعاسى - 60-90 مىڭ تەڭگە.

باتىس قازاقستان وبلىسى

ورال قالاسىنداعى «سۇلتان» بازارىندا سيىر ەتى 2400، قوي 2200، جىلقى ەتى 2500 تەڭگەدەن باستالادى. بۇل - جەرگىلىكتى مال ەتىنىڭ باعالارى. رەسەيدەن ارزان ەتتىڭ اكەلىنۋىنە بايلانىستى باسقا بازارلاردا ەت باعاسى ءتۇسىپ كەتكەن. ەت كومبيناتتارىندا 1700 تەڭگەدەن باستالادى.

سوعىم:

جاباعى 200-240 مىڭ تەڭگە

جىلقى (بايتال) - 400-450 مىڭ

ۇلكەن بيە - 500-600 مىڭ

قوي - 50-70 مىڭ تەڭگە.

جامبىل وبلىسى

بيىلعى جازدا سۋدان تاپشىلىق كورىپ، قۇرعاقشىلىق سالدارىن سەزىنگەن وڭىرلەردىڭ ءبىرى - جامبىل وبلىسى. وبلىستىق اۋىل شارۋاشىلىعى باسقارماسىنىڭ مالىمەتى بويىنشا، قىستان قىسىلماي شىعۋ ءۇشىن وڭىرگە 513 مىڭ توننا جەم، 2,6 ميلليون توننا ءشوپ، 87 مىڭ توننا سۇرلەم، 81 مىڭ توننا سابان كەرەك. اكىمدىك وكىلدەرى بۇل قاجەتتىلىكتى قامتاماسىز ەتۋ جۇمىستارى جوسپارعا ساي ءوتىپ جاتقانىنا سەندىرىپ وتىر. سوندىقتان ەت باعاسى كۇرت قىمباتتاماعان كورىنەدى.

«قولداعى مالدى قىستان امان الىپ شىعۋمەن بايلانىستى ۋايىم جوق. جىلقى ەتىنىڭ ءبىر كەلىسى - 2400-2600 تەڭگە، سيىر ەتى - 2300-2500 تەڭگە»، - دەيدى باسقارما باسشىسى نۇربي جىگىتەكوۆ.

بازارداعى باعا اكىمدىك مالىمەتىنەن وزگەشە.

سوعىم ەتىنىڭ كەلىسىن 3000-3500 تەڭگەدەن الۋعا بولادى. ال ينتەرنەتتەگى حابارلاندىرۋلاردا سوعىمدىق جىلقىنى ءتىرى سالماقتا كەلىسىن 2350 تەڭگەدەن ۇسىنىپ وتىرعاندار بار. تۋ بيەنىڭ باعاسى - 560-800 مىڭ تەڭگە ارالىعىندا.

جەتىسۋ وبلىسى

سيىر ەتى - 2000- 2700 تەڭگە

جىلقى ەتى - 2700-3000 تەڭگە

قوي ەتى - 2000-2400 تەڭگە.

مال باعاسى:

تايىنشا- تورپاق - 250-350 مىڭ تەڭگە

جاباعى، تاي، قۇنان - 250-400 مىڭ تەڭگە

قوي - 60-80 مىڭ تەڭگە.

قاراعاندى وبلىسى

جىلقى ەتى - 2300-2800 تەڭگە

سيىر ەتى - 1900-2300 تەڭگە

قوي ەتى - 1800-2000 تەڭگە.

مال باعاسى:

بايتال - 450 مىڭ تەڭگەدەن، سەمىز تۋ بيەنىڭ باعاسى 600 مىڭ تەڭگەدەن باستالادى

سيىر - 250-400 مىڭ تەڭگە

قوي - 40-70 مىڭ تەڭگە.

قوستاناي وبلىسى

جىلقى ەتى - 2300-2600 تەڭگە

سيىر ەتى - 2200-2300 تەڭگە

قوي ەتى - 1900-2300 تەڭگە.

ال مال باعاسى:

جىلقى - 600-850 مىڭ تەڭگە

ءىرى قارا - 250-400 مىڭ تەڭگە

قوي - 40-65 مىڭ تەڭگە.

قىزىلوردا وبلىسى

جىلقى ەتى - 2300-2500 تەڭگە

سيىر ەتى - 2200-2400 تەڭگە

قوي ەتى - 1900-2300 تەڭگە.

ال مال باعاسى:

جىلقى - 370-550 مىڭ تەڭگە

ءىرى قارا - 240-350 مىڭ تەڭگە

قوي - 45-60 مىڭ تەڭگە.

بۇل وڭىردە تۇيە بارشىلىق بولعانىمەن، ەتىن بازاردان تابۋ قيىن. جەكە ادامداردىڭ قولىنان 2000-2200 تەڭگەگە ساتىپ الۋعا مۇمكىندىك بار.

ماڭعىستاۋ وبلىسى

جىلقى ەتى - 2300-2500 تەڭگە

سيىر ەتى - 2300-2600 تەڭگە

قوي ەتى - 2800-3500 تەڭگە

تۇيە ەتى - 2200-2400 تەڭگە.

ال مال باعاسى:

جىلقى - 230-500 مىڭ تەڭگە

تۇيە - 450-700 مىڭ تەڭگە

سيىر - 400-450 مىڭ تەڭگە

قوي - 60-90 مىڭ تەڭگە

ەشكى - 25-50 مىڭ تەڭگە.

پاۆلودار وبلىسى

پاۆلودار وبلىسى اۋىل شارۋاشىلىعى باسقارماسىنىڭ مالىمەتى بويىنشا، جارمەڭكە مەن بازارداعى باعانىڭ ايىرماشىلىعى - %10-15.

وبلىس ورتالىعىنداعى جارمەڭكەدەن سيىر ەتىنىڭ ءبىر كەلىسىن 1700-2100 تەڭگەدەن، قوي ەتىن 1900-2100 تەڭگەدەن، جىلقى ەتىن 2300-2500 تەڭگەدەن ساتىپ الۋعا بولادى.

ال دۇكەندەردە جىلقى ەتىنىڭ باعاسى كەلىسىنە - 2600-3200، سيىر ەتى - 2300-2500 تەڭگە، قوي ەتى - 2800 تەڭگە بولىپ تۇر.

OLX- تەگى مال باعاسى جاسى مەن كۇيىنە بايلانىستى قۇبىلادى. 1,5 جاسار تايدىڭ باعاسى - 350 تەڭگە، بايتال باعاسى - 350-550 مىڭ تەڭگە، ءۇش جاسار بيەنىڭ باعاسى - 500 تەڭگەدەن اسادى.

ال سيىر باعاسى - 300-350 مىڭ تەڭگە ارالىعىندا. قوي باعاسى - 45-55 مىڭ تەڭگە شاماسىندا.

سولتۇستىك قازاقستان وبلىسى

جىلقى ەتىنىڭ كەلىسى - 2800 تەڭگە

سيىر ەتى - 2000-2400 تەڭگە

قوي ەتى - 2000-2500 تەڭگە ارالىعىندا.

سوعىم باعاسى:

تاي باعاسى 350 مىڭ تەڭگەدەن باستالادى. جالپى جىلقىنىڭ ورتاشا باعاسى - 600 مىڭ تەڭگە.

ءبىر جىلدىق تايىنشانى 200 مىڭ تەڭگەگە تابۋعا بولادى. سيىر مالىنىڭ ورتاشا باعاسى - 300 مىڭ تەڭگە.

قوي 40 مىڭ تەڭگەدەن باستالادى. ورتاشا باعا - 50 مىڭ تەڭگە.

شىعىس قازاقستان وبلىسى

جىلقى ەتى - 2300-2500 تەڭگە

سيىر ەتى - 1800-2000 تەڭگە

قوي ەتى - 1700-1800 تەڭگە.

ال مال باعاسى:

جىلقى - 350-600 مىڭ تەڭگە

ءىرى قارا - 200-400 مىڭ تەڭگە

قوي - 40-60 مىڭ تەڭگە.

تۇركىستان وبلىسى

جىلقى ەتى - 2000-2700 تەڭگە

سيىر ەتى - 800-2500 تەڭگە

قوي ەتى - 2200-2500 تەڭگە

مال باعاسى:

جىلقى - 500 مىڭ تەڭگە جوباسىندا

ءىرى قارا - 200-400 مىڭ تەڭگە

قوي - 45-70 مىڭ تەڭگە

ۇلىتاۋ وبلىسى

جىلقى ەتى - 2200-2400 تەڭگە

سيىر ەتى - 2000-2300 تەڭگە

قوي ەتى - 2100-2300 تەڭگە.

مال باعاسى:

جىلقى - 350-550 مىڭ تەڭگە ارالىعىندا

سيىر - 250-450 مىڭ تەڭگە ارالىعىندا

قوي - 35-70 مىڭ تەڭگە.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى