ۇ ق ك قىزمەتكەرىنىڭ قازا بولۋىنا قاتىستى قىلمىستىق ءىس قوزعالدى
استانا. KAZINFORM - استانادا ۇلتتىق قاۋىپسىزدىك كوميتەتى قىزمەتكەرىنىڭ قازا بولۋ فاكتىسىنە قاتىستى قىلمىستىق ءىس قوزعالدى. بۇل تۋرالى ەلوردالىق پوليتسيا دەپارتامەنتىنىڭ باسپا ءسوز قىزمەتى حابارلادى.
- مايىتتىڭ تابىلۋ فاكتىسى بويىنشا قىلمىستىق ءىس قوزعالدى. الدىن الا بەرىلگەن دەرەكتەر بويىنشا 42 جاستاعى ەر ادام ءوز پاتەرىنىڭ تەرەزەسىنەن قۇلاپ كەتكەن.
قازىرگى ۋاقىتتا ورىن العان وقيعانىڭ بارلىق ءمان-جايى انىقتالىپ جاتىر، - دەلىنگەن حابارلامادا.
ەسكە سالا كەتەيىك، بۇعان دەيىن استانا قالاسىنداعى تۇرعىن ءۇي كەشەنى اۋلاسىنان ۇلتتىق قاۋىپسىزدىك كوميتەتى قىزمەتكەرىنىڭ دەنەسى تابىلعانى تۋرالى جازعان ەدىك.
