ۇ ق ك شەكارا اكادەمياسىنىڭ تۇلەكتەرىنە ديپلوم تابىستالدى
استانا. KAZINFORM - قازاقستان رەسپۋبليكاسى ۇ ق ك شەكارا اكادەمياسىندا جاس وفيتسەرلەرگە ديپلومدار تابىستاۋ، كەزەكتى شىعارىپ سالۋ ءراسىمى ءوتتى. بۇل تۋرالى ۇ ق ك باسپا ءسوز قىزمەتى حابارلادى.
بيىل 128 تۇلەككە لەيتەنانت اتاعى بەرىلدى.
سالتاناتتى ءىس-شاراعا ۇ ق ك باسشىلىعى مەن ارداگەرلەرى، سونداي-اق كۋرسانتتاردىڭ اتا-انالارى قاتىستى، ولار تۇلەكتەردى قۇتتىقتاپ، ۇ ق ك شەكارا قىزمەتىنىڭ وفيتسەرى اتاعىن ابىرويمەن الىپ جۇرۋلەرىن تىلەدى.
قالىپتاسقان ءداستۇر بويىنشا ءىس-شارا اكادەميانىڭ جاۋىنگەرلىك تۋمەن قوشتاسۋى جانە تۇلەكتەردىڭ سالتاناتتى شەرۋىمەن اياقتالدى.
