ۇ ق ش ۇ ەلدەرى ايماقتاعى اسكەري-ساياسي جاعدايعا بايلانىستى پىكىر الماسادى
مينسكىدە ۇ ق ش ۇ- عا مۇشە ەلدەر ايماقتاعى اسكەري-ساياسي جاعدايعا بايلانىستى پىكىر الماسادى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ايتتى، دەپ حابارلايدى Kazinform.
«22- قاراشادا مينسك قالاسىندا ۇجىمدىق قاۋىپسىزدىك تۋرالى شارت ۇيىمى سىرتقى ىستەر مينيسترلەرى كەڭەسىنىڭ، قورعانىس مينيسترلەرى كەڭەسىنىڭ جانە قاۋىپسىزدىك كەڭەستەرى حاتشىلارى كوميتەتىنىڭ بىرلەسكەن وتىرىسى وتەدى. اتالعان ءىس-شاراعا پرەمەر-ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ، قاۋىپسىزدىك كەڭەسىنىڭ حاتشىسى عيزات نۇرداۋلەتوۆ جانە قورعانىس ءمينيسترى رۋسلان جاقسىلىقوۆ قاتىسادى. وتىرىس بارىسىندا ۇ ق ش ۇ- نىڭ ۇجىمدىق قاۋىپسىزدىك ايماقتارىنداعى اسكەري-ساياسي جاعداي جانە سەسسياارالىق كەزەڭدەگى ۇيىم قىزمەتى تۋرالى پىكىر الماسۋ جوسپارلانعان»، - دەدى ايبەك سمادياروۆ مينيسترلىكتەن وتكەن اپتالىق بريفينگتە.
ونىڭ اتاپ وتۋىنشە، وتىرىسقا قاتىسۋشىلار ۇجىمدىق قاۋىپسىزدىك جۇيەسىن دامىتۋدىڭ ءتۇرلى ماسەلەسى بويىنشا شەشىم قابىلدايدى جانە ءبىرقاتار ساياسي مالىمدەمەلەر جاسايدى.
سونداي-اق مينسك قالاسىندا جوسپارلانعان ۇجىمدىق قاۋىپسىزدىك كەڭەسىنىڭ سەسسياسى بارىسىندا مەملەكەت باسشىلارىنىڭ قاراۋىنا شىعارىلاتىن قۇجاتتاردىڭ جوبالارىن ماقۇلدايدى دەپ كۇتىلىپ وتىر.
«2024-جىلعى 1- قاڭتاردان باستاپ ۇيىمعا ءتوراعالىق قازاقستان رەسپۋبليكاسىنا وتەدى. سوندىقتان مينسكىدە وتەتىن بىرلەسكەن وتىرىستا م. نۇرتىلەۋ كەلەسى جىلى وسى ۇيىمداعى قازاقستان قىزمەتىنىڭ باسىم باعىتتارىمەن تانىستىرادى. باسىمدىقتاردى قالىپتاستىرۋ كەزىندە قازاق تاراپى ۇ ق ش ۇ قىزمەتىندەگى ساباقتاستىقتى ساقتاۋدىڭ ماڭىزدىلىعىنا نەگىزدەلەدى. ارىپتەستەرگە مۇشە مەملەكەتتەر ءۇشىن نەعۇرلىم وزەكتى جانە تالاپ ەتىلەتىن ۇ ق ش ۇ جۇمىسىنىڭ جارعىلىق باعىتتارىنا شوعىرلانۋ ۇسىنىلاتىن بولادى. جالپى، قازاقستاننىڭ باسىمدىقتارىن ۇ ق ش ۇ سامميتىندە مەملەكەت باسشىسى رەسمي تۇردە ۇسىنادى»، - دەدى س ءى م وكىلى.
