ەردوعان يلون ماسككە تۇركيادا Tesla شىعاراتىن زاۋىت اشۋدى ۇسىندى

بۇل جايىندا انادولى اگەنتتىگىنە سىلتەمە جاساپ قازاقپارات حابارلايدى.

پرەزيدەنت يلون ماسكتى نيۋ-يوركتەگى Türkevi-ندە قابىلدادى. ماسك قوناققا ۇلىن ەرتىپ كەلدى.

پرەزيدەنتتىك كوممۋنيكاتسيالار كەڭسەسىنىڭ مالىمدەمەسىنە سەنسەك، ەردوعان ماسككە تۇركيانىڭ تەحنولوگيالىق جەتىستىكتەرى، Digital Turkey Vision باعدارلاماسى جانە ۇلتتىق جاساندى ينتەللەكت ستراتەگياسى تۋرالى بايانداپ بەرگەن.

ول Tesla-نىڭ تۇرىك نارىعىنا شىعۋى Togg ءوندىرىسىنىڭ ىسكە قوسىلۋىمەن تۇسپا-تۇس كەلگەنىن ەسكە سالدى.

ەردوعان Tesla كومپانياسىنىڭ جەتىنشى زاۋىتىن تۇركيادا سالۋعا شاقىردى.

كەزدەسۋدە پرەزيدەنت ەردوعان تۇركيا جوعارى تەحنولوگيا سالاسىنداعى ەڭ ماڭىزدى ءوندىرۋشى ەلدەردىڭ ءبىرى ەكەنىن ايتىپ، ەلدىڭ ۇشقىشسىز ۇشۋ اپپاراتتارى سالاسىنداعى جەتىستىكتەرىن مىسالعا كەلتىردى.

ماسك كەلەشەكتە سوعىستار قازىرگى زامانعى ۇشقىشسىز ۇشاقتار اراسىندا جۇرگىزىلەتىنىن جانە الەمنىڭ Bayraktar-دىڭ ۇشقىشسىز ۇشۋ اپپاراتىنا دەگەن قىزىعۋشىلىعىن بىلەتىنىن ايتتى.

تۇركيا پرەزيدەنتى ماسكتى يزميردەگى Teknofest فەستيۆالىنە شاقىردى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى